- text
સીટી એ ડિવિઝન પોલીસે ઉમા બંગલો નજીકથી આરોપીઓને પકડ્યા, એક ફરાર
મોરબી : મોરબી શહેરના રવાપર – ઘુનડા રોડ ઉપર ઉમા બંગલો નજીકથી સીટી એ ડિવિઝન પોલીસે કન્ટ્રક્શનના ધંધાર્થી સહિત બે શખ્સને વિદેશી દારૂની આઠ બોટલ સાથે ઝડપી લઈ પ્રોહીબિશન એકટ મુજબ કાર્યવાહી કરી હતી. દરોડા દરમિયાન અન્ય એક વ્યક્તિનું નામ પણ ખુલ્યું હતું.
પ્રાપ્ત વિગતો મુજબ મોરબી સીટી એ ડિવિઝન પોલીસે પેટ્રોલિંગ દરમિયાન રવાપર – ઘુનડા રોડ ઉપર ઉમા બંગલો નજીકથી આરોપી દેવરાજ બાબુભાઇ છુંસિયા રહે.ખડીયા વાસ, લીલાપર રોડ તથા કન્ટ્રક્શનના ધંધાર્થી એવા આરોપી જયદીપ પ્રભુભાઈ દલસાણીયા રહે.વિવેકાનંદ નગર, રવાપર રોડ વાળાને વિદેશી દારૂની અલગ અલગ બ્રાન્ડની આઠ બોટલ કિંમત રૂપિયા 5600 સાથે ઝડપી લઈ પૂછતાછ કરતા આરોપી અરવિંદ બાટી રહે.વજેપર વાળાનું નામ ખુલ્યું હતું. બનાવ અંગે સીટી એ ડિવિઝન પોલીસે ત્રણેય આરોપીઓ વિરુદ્ધ પ્રોહીબિશન એકટ મુજબ ગુન્હો રજીસ્ટર કરી કાયદેસરની કાર્યવાહી હાથ ધરી હતી.
- text
- text
