- text
આપના પ્રદેશ પ્રમુખ ઈશુદાન ગઢવીની ઉપસ્થિતિમાં ટંકારા વિધાનસભા કાર્યાલયનો પ્રારંભ
કોંગ્રેસના મહિલા નેતા આમ આદમી પાર્ટીમાં જોડાયા
મોરબી : તારીખ 12 નવેમ્બરના રોજ મોરબી જિલ્લા આમ આદમી પાર્ટી દ્વારા સ્નેહમિલન સમારોહનું આયોજન કરવામાં આવ્યું હતું. મોરબીના શિવમ હોલ ખાતે યોજાયેલા આમ આદમી પાર્ટીના સ્નેહમિલનમાં આમ આદમી પાર્ટીના ગુજરાત પ્રદેશ પ્રમુખ ઈસુદાનભાઈ ગઢવી, કાર્યકારી પ્રમુખ કૈલાસદાન ગઢવી, પ્રદેશ સંગઠન મંત્રી સંજયભાઈ બાપટ, મોરબી જિલ્લા પ્રભારી પંકજભાઈ રાણસરીયા, જિલ્લા પ્રમુખ મહાદેવભાઈ પટેલ, જિલ્લા મહામંત્રી પંકજભાઈ આદ્રોજા તથા જિલ્લા, તાલુકા અને નગરપાલિકાના હોદ્દેદારો તથા કાર્યકરો હાજર રહ્યા હતાં.
આમ આદમી પાર્ટી દ્વારા આયોજિત સ્નેહમિલનમાં કોંગ્રેસના અમરેલી જિલ્લા મહિલા પ્રમુખ વર્ષાબેન લીંબળ તથા ગુજરાત ટ્રક ડ્રાઈવર એસોસિયેશન પ્રમુખના પત્ની હરપ્રીત કૌર આદમી પાર્ટીની વિચારધારાથી પ્રેરિત થઈને બહોળી સંખ્યામાં મહિલાઓ સાથે વિધિવત રીતે ઈસુદાનભાઈ ગઢવીના હસ્તે ખેસ પહેરી આમ આદમી પાર્ટીમાં જોડાયા હતા. આ ઉપરાંત ટંકારા વિધાનસભાનાં કાર્યાલયનું ઓપનિંગ કરવામાં આવ્યું હતું. ઈસુદાનભાઈ ગઢવી તથા પ્રદેશ ટીમ દ્વારા આવનારી મહાનગરપાલિકા અને નગરપાલિકાની ચૂંટણી મજબુતાઈ થી લડીને જીતવા માટે કાર્યકરોને હુંકાર કર્યો હતો.
- text
- text
