- text
પોલીસે બાઈક સહિત 38,720નો મુદ્દામાલ કબ્જે કર્યો
હળવદ : હળવદ પોલીસે ગઈકાલે બપોરે પેટ્રોલિંગ દરમિયાન મોરબી ચોકડી નજીક કેનાલ રોડ ઉપર શંકાસ્પદ રીતે બાઈક લઈને આવી રહેલા શખ્સને રોકી ચેક કરતા એક શખ્સ નાસી ગયો હતો જ્યારે બાઈક ચાલકના કબ્જામાંથી પોલીસે વિદેશી દારૂની આઠ બોટલ કબ્જે કરી પ્રોહીબિશન એકટ મુજબ કાર્યવાહી કરી હતી.
- text
પ્રાપ્ત વિગતો મુજબ હળવદ પોલીસે પેટ્રોલિંગ દરમિયાન બાતમીને આધારે વોચ ગોઠવી મોરબી ચોકડી નજીક કેનાલ રોડ ઉપરથી આરોપી નરેન્દ્ર ઉર્ફે નંદો ગણેશભાઈ દલવાડી રહે.જુના રાયસંગપર વાળાને બાઈક સાથે પકડી પાડી તલાશી લેતા વિદેશી દારૂની અલગ અલગ બ્રાન્ડની આઠ બોટલ કિંમત રૂપિયા 3720 મળી આવતા 35 હજારનું બાઈક મળી કુલ 38,720નો મુદ્દામાલ કબ્જે કર્યો હતો. આ રેઇડ દરમિયાન આરોપી નરેન્દ્ર ઉર્ફે નંદા સાથે રહેલો આરોપી કમલેશ ઉર્ફે ધવલ ઘનશ્યામભાઈ ચાવડા રહે.રાયસંગપર ગામ વાળો પોલીસને દૂરથી જોઈ નાસી જતા પોલીસે બન્ને વિરુદ્ધ પ્રોહીબિશન એકટ મુજબ કાર્યવાહી કરી હતી.
- text
