- text
પાડોશી મકાન માલિક વચ્ચે ઝઘડામાં વળતી ફરિયાદ નોંધાઇ
મોરબી : મોરબીના રવાપર રોડ ઉપર વિજયનગરમાં પાડોશી દ્વારા પાટિશન કરવામાં આવી રહ્યું હોય મકાન માલિક વૃદ્ધ અને તેમના પુત્રવધુએ પાટિશન કરવાની ના પાડતા આઠ ઈસમોએ લાકડાના ધોકા વડે માર મારવા અંગે વળતી ફરિયાદ નોંધાઇ છે.
પ્રાપ્ત વિગતો મુજબ મોરબીના આલાપ રોડ ઉપર રહેતા હંસરાજભાઈ ડાયાભાઈ કાવર અને તેમના પુત્રવધુ કિંજલબેન તેમના વિજયનગરમાં આવેલ મકાને ગયા હતા ત્યારે પાડોશમાં રહેતા આરોપી (૧) રણછોડભાઈ મનજીભાઈ (૨) ચુનિલાલભાઈ (૩) ભુદરભાઈ (૪) સુનીતાબેન રણછોડભાઇ (૫) રમેશભાઈ મગનભાઈ (૬) રમેશભાઈના પત્ની (૭) પ્રવણભાઈ ચુનિલાલનભાઇ અને (૮) કાંતાબેન ચુનીલાલભાઇ ફરિયાદીના મકાન આડે પાટિશન કરતા હોય જેથી ના પાડતા ઉશ્કેરાઈ ગયેલા આરોપીઓએ વૃદ્ધ અને તેમના પુત્રવધુ સાથે ઝઘડો કરી લાકડાના ધોકા વડે માર મારતા તમામ વિરુદ્ધ વળતી ફરિયાદ નોંધાવતા પોલીસે ગુન્હો નોંધી તપાસ શરૂ કરી છે.
- text
- text
