- text
નાની બરાર ગામનો યુવાન જાજાસર ગામે દર્શન કરવા ગયો હતો ત્યારે મિત્રના બાઇકની ચક્કર મારવા જતા બનેલી ઘટના
મોરબી : માળીયા મિયાણા તાલુકાના નાની બરાર ગામનો યુવાન જાજાસર ગામે માતાજીના દર્શને ગયા બાદ મિત્રના કેટીએમ બાઇકની ચક્કર મારવા જતા સિંગલ પટ્ટી રોડ ઉપર છકડો રીક્ષા સાથે અકસ્માત સર્જાતા મૃત્યુ નીપજ્યું હતું. ગત તા.1ના રોજ બનેલ આ બનાવ અંગે ગઈકાલે ફરિયાદ નોંધાઇ છે.
માળીયા મિયાણા તાલુકાના નાની બરાર ગામે રહેતા કરશનભાઈ જશાભાઈ બકુત્રાએ માળીયા મિયાણા પોલીસ મથકમાં ફરિયાદ નોંધાવતા જાહેર કર્યું હતું કે ગત તા.1ના રોજ તેમના કાકાનો દીકરો કિશન ચંદુભાઈ બકુત્રા ઉ.19 જાજાસર ગામે શક્તિ માતાજીના મંદિરે દર્શન કરવા ગયો હતો. જ્યાં તેનો મિત્ર કેટીએમ બાઈક લઈને આવ્યો હોય કિશન બાઇકની ચક્કર મારવા નીકળતા નાની બરારથી જાજાસર ગામ તરફ આવતા સિંગલપટ્ટી રોડ ઉપર જીજે – 10 – યુ – 4172 નંબરની છકડો રીક્ષાના ચાલક દિનેશ દેવદાનભાઈ ચાવડા રહે.નાની બરાર વાળાની રીક્ષા સાથે અકસ્માત સર્જાતા ગંભીર ઇજાઓ પહોંચતા કિશનનું મૃત્યુ નીપજ્યું હતું.
- text
છકડો રીક્ષા અને બાઈક વચ્ચે સર્જાયેલ અકસ્માતની આ ઘટનામાં રીક્ષા ચાલક દિનેશ ચાવડા અને રીક્ષામાં બેઠેલા બે મુસાફરોને પણ ઇજાઓ પહોંચી હોવાનું સામે આવ્યું છે. હાલ માળીયા મિયાણા પોલીસે કરશનભાઇ બકુત્રાની ફરિયાદને આધારે છકડો રીક્ષા ચાલક વિરુદ્ધ ફરિયાદ નોંધી તપાસ શરૂ કરી છે.
- text
