- text
ઉધારીના પૈસા માંગતા આરોપીએ છરીના ઘા ઝીકી દીધા
મોરબી : મોરબીના ભરતનગર નજીક આવેલ સોમાણી મેક્સ સિરામિક ફેકટરીમાં કેન્ટીન ધરાવતા સંચાલકે ઉધાર માલ લઈ ગયેલા શખ્સ પાસેથી વારંવાર નાણાંની ઉઘરાણી કરતા આરોપીએ ઉશ્કેરાઈ જઈ છરીના ઘા ઝીકી દેતા પોલીસ ફરિયાદ નોંધાઇ છે.
- text
પ્રાપ્ત વિગતો મુજબ મોરબીના ભરતનગર નજીક આવેલ સોમાણી મેક્સ કારખાનામાં કેન્ટીન ધરાવતા કાંતિભાઈ શેરસિયા આરોપી આશુતોષ હર્ષદભાઈ વઘાડિયા પાસે ઉધાર લીધેલ વસ્તુના રૂપિયા 4200 માંગતા હોય અવાર નવાર પૈસાની ઉઘરાણી કરતા આરોપી આસુતોષે ઉશ્કેરાઈ જઈ કાંતિભાઈને છરીના ઘા ઝીકી દેતા ઇજાગ્રસ્ત કાંતિભાઈના પુત્ર મયુરભાઈએ મોરબીના રાધાપાર્કમા રહેતા આરોપી આશુતોષ હર્ષદભાઈ વઘાડિયા વિરુદ્ધ મોરબી તાલુકા પોલીસ મથકમાં ફરિયાદ નોંધાવતા પોલીસે ગુન્હો નોંધી તપાસ શરૂ કરી છે.
- text
