- text
યુવતીએ કરેલી ફરિયાદમા સમાધાન માટે 12 લાખ માંગ્યા
ટંકારા : ટંકારા તાલુકાના લજાઈ ગામે રહેતા યુવાન વિરુદ્ધ મોરબીની યુવતીએ કરેલી ફરિયાદ મામલે 12 લાખ આપી સમાધાન કરી લેવાનું કહી મોરબીના શખ્સે 12 લાખ માંગી જાનથી મારી નાખવા ધમકી આપતા ટંકારા પોલીસ મથકમાં ફરિયાદ નોંધાઇ છે.
- text
બનાવ અંગે જાણવા મળતી વિગતો મુજબ લજાઈ ગામે રહેતા અમૃતભાઈ આલાભાઈ ચાવડા નામના યુવાનના ભત્રીજા રાહુલ અને રોહિત વિરુદ્ધ આરોપી મિલન પોપટભાઈ જાદવના માસીની દીકરીએ ફરિયાદ કરી હોય આરોપી મિલને અમૃતભાઈને ફોન કરી સમાધાન કરવું હોય તો 12 લાખ રૂપિયા આપવા પડશે નહિ તો ખોટા કેસમાં ફિટ કરાવી નાખીશ તેવી ટેલિફોનિક ધમકી સાથે જાનથી મારી નાખવા ધમકી આપતા બનાવ મામલે ટંકારા પોલીસ મથકમાં ફરિયાદ નોંધાઇ છે.
- text
