- text
મોરબી : લાયન્સ કલબ ઓફ મોરબી સીટી દ્વારા દિપાવલીના શુભ દિવસે માળીયા મિયાણા તાલુકાના રાસંગપર ખાતે આવેલા સંગાથ વૃદ્ધાશ્રમમાં વડીલોને મીઠાઈ સાથે ભોજન કરાવવામાં આવ્યું હતું.
- text
અનેકવિધ સેવાકીય પ્રોજેક્ટ ચલાવતી લાયન્સ કલબ ઓફ મોરબી સીટી દ્વારા દિવાળી પર્વના અવસરે માળિયા મિયાણા તાલુકાના રાસંગપર ગામ પાસે આવેલ સંગાથ વૃદ્ધાશ્રમમાં 40 જેટલા વડીલોને બપોરે મીઠાઈ સાથે ભોજન પ્રસાદ આપવામાં આવ્યો હતો. આ સેવા કાર્યમાં લાયન્સ કલબ ઓફ મોરબી સીટીના સભ્ય મહાદેવભાઈ ચિખલીયાના પિતાશ્રીની પુણ્યતિથિ નિમિત્તે તેમના સહયોગ આપવામાં આવ્યો હતો. આ તકે, સૌરાષ્ટ્ર કચ્છ ના ફર્સ્ટ વાઈસ પાસ્ટ ડીસ્ટ્રીકટ ગવર્નર રમેશભાઈ રૂપાલા, પ્રેસિડેન્ટ કેશુભાઈ દેત્રોજા, સેક્રેટરી ત્રિભોવનભાઈ સી.ફુલતરિયા, ખજાનચી મણિલાલ જે. કાવર સહિતના હાજર રહ્યા હતા.
- text
