- text
મોરબીમાં જુના ઝઘડાનો ખાર રાખી મિત્રએ કાકા-ભત્રીજા ઉપર હુમલો કર્યો
યુવાનની ફરિયાદને આધારે 10 આરોપીઓ વિરુદ્ધ ગુન્હો દાખલ
મોરબી : મોરબીના વાવડી રોડ ઉપર દિવાળીની રાત્રે ફટાકડા લેવા ગયેલા યુવાન ઉપર તેના જ મિત્રએ જુના ઝઘડાનો ખાર રાખી ઝઘડો કર્યા બાદ વાતચીત કરવા બોલાવી છ શખ્સોએ હુમલો કરી જાનથી મારી નાખવા ધમકી આપતા આ બનાવમાં સીટી એ બી ડિવિઝન પોલીસ મથકમાં ફરિયાદ નોંધાઈ છે.
બનાવ અંગે જાણવા મળતી વિગતો મુજબ મોરબી શહેરના વાવડી રોડ ઉપર ગાયત્રીનગરમાં રહેતા જયરાજભાઈ લાલજીભાઈ અવાડીયા ઉ.20 નામનો યુવાન પોતાના કાકા જ્યકિશનભાઈ અવાડીયા સાથે આર.આર.મોલ પાસે આવેલ ફટાકડાના સ્ટોલમાં ફટાકડા ખરીદવા ગયા હતા ત્યારે ફરિયાદી જયરાજભાઈનો જૂનો મિત્ર જીગ્નેશ નકુમ ત્યાં ઉભો હતો અને અગાઉ જીગ્નેશ સાથે ફરિયાદી જયરાજને ઝઘડો થયો હોવાથી જીગ્નેશે ગાળાગાળી કરી ઝઘડો કરી તેમના અન્ય મિત્રને બોલાવી લેતા તમામે જયરાજ અને તેના કાકા સાથે ઝઘડો કરતા ત્યાં હાજર લોકોએ છોડાવતા બન્ને ત્યાંથી ચાલ્યા ગયા હતા.
- text
બાદમાં જીગ્નેશ નકુમે ફરી ફોન કરી ફરિયાદી જયરાજભાઈ લાલજીભાઈ અવાડીયાને કારિયા સોસાયટીના નાકા પાસે વાતચીત કરવા બોલાવતા જયરાજ કાકા સાથે ત્યાં જતા આરોપી જીગ્નેશ નકુમ, જયેશ ઉર્ફે જયલો ભરવાડ, વિક્રમ ભરવાડ, યશ ભરવાડ, રાહુલ ડાભી અને પાંચેક અજાણ્યા શખ્સો આવી ગયા હતા અને ઝઘડો કરી લાકડાના ધોકા વડે હુમલો કરી આરોપી જયલાએ પથ્થરનો ઘા કરતા જ્યકિશનભાઈના માથામાં પથ્થર મારતા ઇજા પહોંચી હતી. આ બનાવ બાદ આરોપીઓએ જાનથી મારી નાખવા ધમકી પણ આપતા પાંચ આરોપીઓ વિરુદ્ધ નામ જોગ અને પાંચ અજાણ્યા વિરુદ્ધ સીટી એ ડિવિઝનમાં ફરિયાદ નોંધાવતા પોલીસે ગુન્હો નોંધી તપાસ શરૂ કરી છે.
- text
