- text
મોરબી : WSRO (WORLD STEM & ROBOTICS OLYMPIAD) દ્વારા અમદાવાદ સાયન્સ સિટી ખાતે નેશનલ એન્ડ ઇન્ટરનેશનલ વોટર રોકેટ્રી ચેમ્પિયનશિપ- 2024 યોજાઈ હતી. તારીખ 15 સપ્ટેમ્બરના રોજ WSRO દ્વારા આયોજિત સ્પર્ધામાં મોરબીની સાર્થક વિદ્યામંદિરની ત્રણ ટીમ રાજ્ય કક્ષાએ વિજેતા થઈ હતી. શાળા માટેની આ ગૌરવની ક્ષણે શાળાના સંચાલક કિશોરભાઈ શુક્લએ ભાગ લેનાર તમામ વિદ્યાર્થીઓ તેમજ તેમના માર્ગદર્શક શિક્ષકોને ખૂબ ખૂબ અભિનંદન પાઠવ્યા હતા.
આ સ્પર્ધામાં SVM ડો. સી.વી.રામન ગ્રુપ સમગ્ર રાજ્યમાં પ્રથમ ક્રમે વૈષ્ણવ જૈમિત રૂપેશભાઈ (ધો-12 સાયન્સ) અને કાલરીયા મીત મનિષભાઈ (ધો- 12 સાયન્સ) રહ્યા હતા. SVM ડો. હોમીભાભા ગ્રુપ બીજા ક્રમે જેમાં વાઘેલા વિજય હરેશભાઈ (ધો-11 સાયન્સ) અને વાઘેલા પાર્થ દિનેશભાઈ (ધો-11 સાયન્સ) રહ્યા હતા. SVM ડો.વિક્રમ સારાભાઈ ગ્રુપ ત્રીજા ક્રમે જેમાં ચાવડા અંશ વિનોદભાઈ (ધો-12 સાયન્સ) અને ઝાલા ધર્મરાજસિંહ શક્તિસિંહ (ધો-12 સાયન્સ) રહ્યા હતા. મયુરભાઈ એ.થોરીયા અને મયંકભાઈ એ.રાધનપુરાએ આ સ્પર્ધાના માર્ગદર્શક શિક્ષક તરીકેની આગેવાની લીધી હતી.
- text
- text
