- text
મોરબી : મોરબીના સુપ્રસિદ્ધ રામધન આશ્રમ ખાતે જલઝીલણી અગિયારસની ઉજવણી નિમિત્તે મહંત ભાવેશ્વરી મા તેમજ સંત રતનેશ્વરીદેવીના સાનિધ્યમાં રામદેવજી મહારાજનો પાટોત્સવ યોજાયો હતો.
આ પાટોત્સવમાં સવારે નેજા ઉત્સવ, યજ્ઞ, સાંજે મહાપ્રસાદ, રામદેવજી મહારાજનો પાઠ, તેમજ ભજનનું આયોજન કરવામાં આવ્યું હતું. તેમજ ઠાકોરજીને સ્નાન પૂજા અને રાસનું આયોજન કરાયું હતું. જેમાં બહોળી સંખ્યામાં ભક્તો જોડાયા હતા. આ ઉત્સવમાં પૂજ્ય હંસરાજ બાપા, જલારામ મંદિરના અગ્રણી ગીરીશભાઈ ઘેલાણી, નાથાભાઈ ચુનિભાઈ કાવડ, હીરાભાઈ પ્રજાપતિ, દિનેશ ભગત સહિતના અનેક આગેવાનો ઉપસ્થિત રહ્યા હતા. આ કાર્યક્રમને સફળ બનાવવા ત્રિભોવનભાઈ, હરિભાઈ, દેવકરણભાઈ, ભુદરભાઈ, મહાદેવભાઈ, દિલીપભાઈ અરજણભાઈ, રમેશભાઈ અને ભરતભાઈએ જહેમત ઉઠાવી હતી.
- text
- text
