- text
મોરબી : મોરબી નેશનલ હાઇવેથી વાંકાનેર જતા સર્વિસ રોડ પર બે ટ્રક વચ્ચે અકસ્માત સર્જાયો હતો. અકસ્માતના કારણે હાઇવે પર ટ્રાફિકજામ થતા લોકોને હાલાકીનો સામનો કરવો પડ્યો હતો.
સમગ્ર વિગત અનુસાર, મોરબી નેશનલ હાઇવે બાજુ વાંકાનેર જવાના રસ્તે મેઈન રોડ અને સર્વિસ રોડ પર આજે એક ટ્રક વળાંક લેતો હતો તે સમયે અન્ય બીજા ટ્રક સાથે અથડાતા અકસ્માત સર્જાયો છે. આ અકસ્માતમાં કોઈ જાનહાનિના સમાચાર નથી. આ અકસ્માત સર્જાતા હાઇવે પર ટ્રાફિક જામના દ્રશ્યો જોવા મળ્યા હતા. તેમજ મેઈન રોડ અને સર્વિસ રોડ પર વાહનોની લાંબી કતારો લાગી હતી. આ દરમ્યાન પોલીસને જાણ કરવામાં આવી હતી. જેથી પોલીસે ઘટના સ્થળે પહોંચી ટ્રાફિક હળવો કરવાની કામગીરી હાથ ધરી હતી.
- text
- text
