- text
મોરબી : તારીખ 14 સપ્ટેમ્બરના રોજ ભરતનગર પ્રાથમિક શાળા ખાતે સી.આર.સી. કક્ષાનો બાળ વૈજ્ઞાનિક પ્રદર્શન (બાળ વિજ્ઞાન મેળો) યોજવામાં આવ્યો હતો. જેમાં ભરતનગર સી. આર. સી. ની 9 શાળાના 20 બાળ વૈજ્ઞાનિકોએ ભાગ લીધો હતો. વિજ્ઞાન પ્રદર્શનમાં નિર્ણાયક તરીકે હર્ષદભાઈ પારેજીયા અને પંકજભાઈ બરાસરાએ ઉમદા સેવા આપી હતી. આ બાળ વિજ્ઞાન પ્રદર્શનને સફળ બનાવવા ભરતનગર પ્રાથમિક શાળાના બધા શિક્ષક ભાઈઓ-બહેનોએ જહેમત ઉઠાવી હતી. બાળ વિજ્ઞાન પ્રદર્શન શાળાના આચાર્ય રજનીશભાઈ દલસાણીયા અને સી. આર. સી. કો-ઓર્ડીનેટર ચેતનભાઈ જાકાસણીયાના માર્ગદર્શન હેઠળ યોજાયો હતો. આ બાળ વિજ્ઞાન પ્રદર્શન નિહાળી સૌએ વિદ્યાર્થીઓને પ્રોત્સાહિત કર્યા હતા. ભાગ લેનાર વિદ્યાર્થીઓને પ્રમાણપત્ર એનાયત કરવામાં આવ્યા હતા.
- text
- text
