- text
માળીયા (મિયાણા) : માતાના મઢે જતા પદયાત્રીઓ સેવા માટે માળીયા (મિયાણા)ના સોનગઢ ખાતે તારીખ 25-9-2024 થી તા. 30-9-2024 સુધી સેવા કેમ્પનું આયોજન કરવામાં આવ્યું છે.
મોરબી – પીપળીયા ચાર રસ્તાથી માળીયા (મિયાણા) જતા આ રસ્તામાં સોનગઢ પાસે છેલ્લા 25 વર્ષથી યોજાતા આ કેમ્પનું આયોજન મોરબીના ધીરુભાઈ ચાવડા, કે.સી.જાડેજા, રાજુભાઈ લખમણભાઈ ડાંગર, હર્ષદભાઈ પટેલ, મહેશભાઈ દ્વારા કરવામાં આવે છે. આ કેમ્પમાં આયોજક, સોનગઢ ગામના આહીર યુવાનો તથા મોરબી પરાબજાર મિત્રમંડળ સહિતના ઉત્સાહી સેવાભાવી યુવાનો દ્વારા સેવા આપી રહ્યા છે.
- text
આ કેમ્પમાં વિનામૂલ્યે જમવાનું, ન્હાવાનું, ચા-પાણી, નાસ્તો, રાત્રીનું રોકાણ, આરામ અને મેડિકલ સહિતની તમામ સુવિધા આપવામાં આવશે. તો દરેક પદયાત્રીઓ અને ધર્મપ્રેમી લોકોએ આ સેવાનો લાભ લેવા આયોજકો તરફથી અપીલ કરવામાં આવી છે.
- text
