- text
રવાપર ચોકડી, અવની ચોકડી, દલવાડી, ઉમિયા સર્કલ, વાવડી ચોકડી સહિતના રોડ ઉપર એક કલાકથી ટ્રાફિક જામ
મોરબી : મોરબીમાં ટ્રાફિકનો પ્રશ્ન દિવસેને દિવસે વિકરાળ સ્વરૂપ લઈ રહ્યો છે. આજે રવિવારની સાંજે મોરબીના મોટાભાગના મુખ્યમાર્ગો ઉપર ટ્રાફિક જામ સર્જાયો હતો.
આમ તો મોરબી માટે ટ્રાફિકનો પ્રશ્ન રોજીંદો બન્યો છે. કારણકે રોજબરોજ ઠેક ઠેકાણે ટ્રાફિક જામના દ્રશ્યો સર્જાવા હવે સામાન્ય બની ગયા છે. તેવામાં આજે રજાનો દિવસ હોય સાંજે વાહનોની અવર જવર પણ મોટા પ્રમાણમાં હોય સાંજે 7 વાગ્યાથી રવાપર ચોકડી, અવની ચોકડી, દલવાડી, ઉમિયા સર્કલ, વાવડી ચોકડી સહિતના રોડ ઉપર એક ટ્રાફિક જામ સર્જાયો છે. ઠેક-ઠેકાણે વાહનોની લાંબી કતારો લાગી છે. જેને કારણે વાહનચાલકો અકળાઈ ઉઠ્યા છે.
- text
- text
