- text
મોરબી : મોરબીના જુના લીલાપર રોડ ઉપર મસમોટા ખાડા પડી ગયા હોય વાહનચાલકો ત્રસ્ત બની ગયા છે. આ મામલે પાલિકામાં રજુઆત કરવામાં આવી હોય છતાં કોઈ પગલાં લેવામાં ન આવતા હોવાનું સ્થાનિકો જણાવી રહ્યા છે.
મોરબીમાં ભારે વરસાદને કારણે જે રોડ બિસ્માર હાલતમાં હતા તેની હાલત અતિ બિસ્માર થઈ ગઈ છે. આવી જ રીતે નવા સ્મશાનથી લીલાપર રોડની હાલત અત્યંત ખરાબ હોય, રોડ ઉપર મસમોટા ખાડાના કારણે વાહનચાલકોને હાલાકીનો સામનો કરવો પડી રહ્યો છે. ત્યારે આ મામલે ગત તા 31ના રોજ નગરપાલિકાને મોરમ નાખવા રજુઆત પણ કરવામાં આવી હતી. છતાં આજ સુધી કોઈ કાર્યવાહી કરવામાં ન આવતા સ્થાનિકોમાં રોષ જોવા મળી રહ્યો છે.
- text
- text
