- text
વાડીમાં છુપાવેલો 30 બોટલ દારૂ પકડાયો
હળવદ : હળવદ શહેરના આસ્થા રોડ ઉપર બાઈક ઉપર દારૂની બોટલ લઈને નીકળેલા એક શખ્સને પોલીસે દબોચી લઈ પૂછતાછ કરતા અન્ય આરોપી સાથે મળી પોતાની વાડીએ વિદેશી દારૂ ઉતાર્યો હોવાની કબૂલાત આપતા પોલીસે વિદેશી દારૂની કુલ 31 બોટલ, બાઈક અને મોબાઈલ સહિતનો મુદામાલ કબ્જે કરી અન્ય એક આરોપીનું નામ ખોલાવ્યું હતી.
- text
પ્રાપ્ત વિગતો મુજબ હળવદ પોલીસે આસ્થા રોડ ઉપર બાઈક ઉપર વિદેશી દારૂની બોટલ સાથે નીકળેલા આરોપી હસમુખ ઉર્ફે હસું ખીમજી ચાવડા રહે. વિશ્વપાર્ક વાળાને ઝડપી લઈ પૂછતાછ કરતા પોતાની વાડીએ છુપાવેલ વિદેશી દારૂની 30 બોટલ કાઢી આપી હતી. વધુમાં આરોપી હસમુખ ઉર્ફે હસું અન્ય આરોપી મેહુલ રમણિકભાઈ ગોઠી રહે.કણબીપરા વાળા સાથે મળી દારૂનો વેપલો કરતો હોવાની કબુલાત આપતા પોલીસે એક મોબાઈલ કિંમત રૂપિયા 5 હજાર તેમજ 30 હજારના બાઈક સહિત 48,745નો મુદામાલ કબજે કરી આરોપી મેહુલ ગોઠીને ઝડપી લેવા તજવીજ શરૂ કરી બન્ને વિરુદ્ધ પ્રોહીબિશન એકટ મુજબ ગુન્હો રજીસ્ટર કર્યો હતો.
- text
