- text
ટંકારા : ટંકારા તાલુકામાં આજે સવારથી અવિરત ધોધમાર વરસાદ વરસી રહ્યો છે ત્યારે અત્યાર સુધીમાં પોણા છ ઈંચ જેટલો વરસાદ વરસી જતા નિચાણવાળા અને કાચા ઝૂંપડામાં રહેતા લોકોની સ્થિતિ જોખમી બનતા વહીવટીતંત્ર દ્વારા પોલીસની મદદથી લોકોનું સલામત સ્થળે સ્થળાંતર કરવાનું શરૂ કર્યું છે.
- text
પ્રાપ્ત વિગતો મુજબ મોરબી જિલ્લામાં સવારથી ધોધમાર વરસાદ વરસી રહ્યો છે, ગઈકાલે હળવદ બાદ આજે ટંકારા તાલુકામાં સાંબેલાધારે વરસાદ વરસી રહ્યો હોય સ્થિતિ જોખમી બનતા જિલ્લા વહીવટીતંત્ર દ્વારા અવમચેતીના પગલારૂપે ટંકારા તાલુકાના જબલપુર ઔદ્યોગિક વિસ્તાર અને ટંકારા શહેરના સોસાયટી વિસ્તાર નજીકના ઝૂંપડામાં રહેતા લોકોને સલામત સ્થળે ખસેડવા માટે સ્થળાંતર શરૂ કરાવ્યું છે અને હાલમાં 25 જેટલા લોકોને સલામત સ્થળે ખસેડવામાં આવ્યા હોવાનું અમારા પ્રતિનિધિના અહેવાલો જણાવી રહ્યા છે.
- text
