- text
મોરબી : મોરબી શહેરના શનાળા રોડ ઉપર જીઆઇડીસી રોડ ઉપર પંચવટી સોસાયટી અને હાઉસિંગ બોર્ડ નજીક છોટાલાલ પેટ્રોલપંપ પાસે રહેતી બે યુવતીઓ ગુમ થઈ જતા મોરબી સીટી એ ડિવિઝન પોલીસ મથકમાં ગુમસુધા નોંધ કરવામાં આવી છે.
પ્રથમ કિસ્સામાં મોરબીના શનાળા રોડ ઉપર જીઆઇડીસી વિસ્તારમાં નવયુવ સ્કૂલ પાસે પંચવટી સોસાયટીમા રહેતી પાયલ રમેશભાઈ પીલોજપરા ઉ.19 નામની યુવતી ગત. તા.13ના રોજ પોતાના ઘેરથી કોઈને કહ્યા વગર ક્યાંક જતી રહેતા સીટી એ ડિવિઝન પોલીસ મથકમાં ગુમસુધા નોંધ કરાવવામાં આવી છે.
જ્યારે બીજા કિસ્સામાં મોરબીના શનાળા રોડ ઉપર છોટાલાલ પેટ્રોલપંપ પાસે હનુમાનજી મંદિર પાછળ રહેતી મૂળ નેપાળની વતની જાનકીબેન ચંદ્રેશભાઈ સોની ઉ.20 નામની યુવતી ઘેરથી કામે જવાનું કહીને તા.13ના રોજ નીકળી ગયા બાદ ઘેર પરત ન આવતા યુવતીના પિતાએ સીટી એ ડિવિઝન પોલીસ મથકમાં ગુમસુધા નોંધ કરાવી છે.
- text
- text
