- text
મોરબી : સમસ્ત લુહાર સમાજ રાષ્ટ્રીય પાર્ટી દ્વારા મોરબી ખાતે પાંચ દીકરીઓને વિદ્યાર્થી રત્ન તેમજ લુહાર જ્ઞાતિ ગૌરવ એવોર્ડ એનાયત કરવામાં આવ્યો હતો.
તારીખ 21 જુલાઈ ને રવિવારના રોજ મોરબીની લુહારજ્ઞાતિ બોર્ડિંગ એન્ડ ભોજનશાળા ખાતે સમસ્ત લુહાર સમાજ રાષ્ટ્રીય પાર્ટી “લુહાર યુવા સમન્વય- સિંહસ્થ સેના” તથા સિંહસ્થ લુહાર નારી શક્તિ દળ દ્વારા લુહાર સમાજના કોલેજ અને માસ્ટર ડિગ્રીમાં અવ્વલ આવેલી મોરબી જિલ્લાની પાંચ દીકરીઓને લુહાર સમાજ વિદ્યાર્થી રત્ન તેમજ લુહાર સમાજ જ્ઞાતિ ગૌરવ એવોર્ડ એનાયત કરાયો હતો.
જેમાં મોરબીનાં લુહાર વાસુદેવભાઈ રમણીકભાઈ રાઠોડની બંને દીકરીઓ CA સેમ 4 તેમજ સેમ 3 માં અવ્વલ આવી હતી. જેમાં ધારિણી રાઠોડ CA સેમ 4 માં ઉતીર્ણ થઈ CA ની પદવી મેળવી ચૂકી છે તેમને લુહાર સમાજ જ્ઞાતિ ગૌરવ એવોર્ડ એનાયત કરાયો હતો. જ્યારે તેમની નાની બહેન વિધિ રાઠોડ CA સેમ 3માં મોરબી જિલ્લામાં સેકન્ડ ગ્રેડ સાથે ઉતિર્ણ થઈ હતી જેમને લુહાર સમાજ વિદ્યાર્થી રત્ન એવોર્ડ એનાયત કરાયો હતો. જ્યારે મેડિકલ સાયન્સમાં જિલ્લામાં ફસ્ટ રેન્ક લાવનાર શિતલ દિપકભાઈ (પિન્ટુભાઈ) પિત્રોડાને લુહાર સમાજ વિદ્યાર્થી રત્ન એવોર્ડ એનાયત કરવામાં આવ્યો હતો. જ્યારે મોરબી જિલ્લાની બીજી બંને દીકરીઓ જેમાં જાનવી વિનોદભાઈ પિત્રોડા જે MBA સેમ 4 ઉતિર્ણ થઈ છે તેમને લુહાર સમાજ જ્ઞાતિ ગૌરવ એવોર્ડ તેમજ પ્રિયા રામજીભાઈ કવૈયા જે LLM સેમ 4 ઉતિર્ણ થઈ એડવોકેટની પદવી પ્રાપ્ત કરી છે તેમને લુહાર જ્ઞાતિ ગૌરવશાળી પ્રતિભા એવોર્ડ એનાયત કરવામાં આવ્યો હતો.
- text
- text
