- text
મકરાણીવાસ નજીકથી દારૂની બાટલી સાથે એક પકડાયો
મોરબી : મોરબી સીટી એ ડિવિઝન પોલીસે કન્યા છાત્રાલય રોડ – ચંદ્રેશનગર રોડ ઉપરથી રેઢી પડેલી અલ્ટો કારમાંથી અલગ અલગ બ્રાન્ડનો વિદેશી દારૂ તેમજ બિયર ઝડપી પાડી બીજા દરોડામાં મકરાણીવાસ નજીકથી એક શખ્સને વિદેશી દારૂની એક બોટલ કબ્જે કરી હતી.
પ્રથમ દરોડામાં મોરબી સીટી એ ડિવિઝન પોલીસે બાતમીને આધારે કન્યા છાત્રાલય – ચંદ્રેશનગર રોડ ઉપર ખુલ્લા પ્લોટમાં પડેલ આરોપી બળવંત ગોવિંદભાઇ ચાવડા રહે.નીલકંઠ સોસાયટી વાળાની રેઢી પડેલી કારમાંથી મેજીક મોમેન્ટ દારૂની 12 બોટલ સિગ્નેચર બ્રાન્ડ દારૂની 8 બોટલ, ઓલ સિઝન બ્રાન્ડ દારૂની 19 બોટલ તેમજ કિંગફિશર બ્રાન્ડ બિયરના 24 ડબલા મળી કુલ 26,125ની કિંમતનો વિદેશી દારૂ બિયર, 1000 રૂપિયાનો મોબાઈલ ફોન તેમજ જીજે -03 – સીઆર – 0653 નંબરની 1 લાખની કિંમતની કાર સહિત 1,27,125નો મુદ્દામાલ કબજે કરી હાજર નહિ મળી આવેલ આરોપી બળવંત વિરુદ્ધ પ્રોહીબિશન એકટ મુજબ કાર્યવાહી કરી હતી.
- text
જ્યારે બીજા કિસ્સામાં સીટી એ ડિવિઝન પોલીસે મકરાણીવાસના નાકા પાસેથી આરોપી સતીષ ગૌતમભાઈ સારેસા રહે.માળીયા વનાળિયા સોસાયટી મોરબી વાળાને પેન્ટના નેફામાં છુપાવી રાખેલ વિદેશી દારૂની એક બોટલ કિંમત રૂપિયા 375 કબ્જે કરી પ્રોહીબિશન એકટ મુજબ આરોપી વિરુદ્ધ કાર્યવાહી કરી હતી.
- text
