- text
વાંકાનેર પંથકમાં ફાયર ક્લેની ખનીજ ચોરી મામલે સ્થાનિક ખાણખનીજ વિભાગનો સપાટો
મોરબી : મોરબી જિલ્લામાં ચાલતી ખનીજ ચોરી મામલે ખાણખનીજ વિભાગની સ્થાનિક ટીમો તેમજ ફ્લાઈંગ સ્ક્વોડની ટીમે સપાટો બોલાવ્યાના અહેવાલો સાંપડી રહ્યા છે જેમાં મોરબીના રાજપર નજીક ફ્લાઈંગ સ્ક્વોડની ટીમે માટી-મોરબીની ખનીજચોરી ઝડપી લીધી છે, તો વાંકાનેર પંથકમાં મોરબી ખાણખનીજ વિભાગે ફાયર ક્લેની ખનીજ ચોરી ઝડપી લીધાનું બહાર આવ્યું છે.
- text
પ્રાપ્ત વિગતો મુજબ બુધવારે મોરબી જિલ્લામાં ખાણખનીજ વિભાગની સ્થાનિક ટીમો તેમજ ફ્લાઈંગ સ્ક્વોડની ટીમોએ ખનીજચોરો ઉપર તવાઈ ઉતારી હતી જેમાં રાજપર નજીક માટી મોરમની ખનીજ ચોરી ઝડપી લઈ ફ્લાઈંગ સ્ક્વોડ દ્વારા અર્થમૂવર વાહનો સહિતનો મુદામાલ કબ્જે કર્યો હોવાનું તેમજ વાંકાનેર પંથકમાં સ્થાનિક ખાણખનીજ વિભાગ દ્વારા ફાયર ક્લેની ખનીજ ચોરી કરતા તત્વોને સાણસામાં લીધા હોવાનું સામે આવ્યું છે, જો કે, બન્ને દરોડામાં હજુ ગણતરી ચાલુ હોવાનું જાણવા મળે છે.
- text
