- text
શોર્ટ સર્કિટને કારણે આગ લાગી, રંગપર રોડ ઉપર ટ્રાફિકને કારણે ફાયર ટીમને મુસીબત પડી
મોરબી : મોરબીના રંગપર રોડ ઉપર આવેલ સિરામીક ફેકટરીમાં શોર્ટ સર્કિટને કારણે આગ લાગતા મોરબી ફાયર બ્રિગેડ ટીમે વિપરીત સ્થિતિમાં તત્કાળ પહોંચી આગ બુઝાવી હતી.
પ્રાપ્ત વિગતો મુજબ આજે સવારે અગિયારેક વાગ્યાના અરસામાં મોરબીના રંગપર રોડ ઉપર આવેલ સ્પેન્ટોકોન સિરામિક ફેકટરીમાં શોર્ટ સર્કિટને કારણે આગ લાગતા મોરબી ફાયર ટીમને કોલ મળતા ફાયર બ્રિગેડ ટીમ પળવારનો વિલંબ કર્યા વગર બનાવ સ્થળે રવાના થઈ હતી. જો કે રંગપર રોડ ઉપર રોડના કારણે ટ્રાફિક જામ નડતા ફાયર બ્રિગેડ ટીમને બનાવ સ્થળે પહોંચવામાં મુશ્કેલી નડી હતી આમ છતાં પાણી અને ફોર્મનો મારો ચલાવી ડીજી સેટ અને ડીઝલ ભરેલા બેરલ સુધી આગ પ્રસરતા રોકી હતી.
- text
- text
