- text
મોરબી:હજનાળી ગામના અગ્રણી હંસરાજભાઈ ગામીના પુત્ર ગોપાલભાઈ ગામીના મોટા સુપુત્ર એવા ચિ. તન્મયનો તા. 12/12/2021ના રોજ જન્મદિવસ હોઈ શ્રી હજનાળી પ્રાથમિક શાળામાં આજરોજ તમામ બાળકોને ભેટ આપી તન્મયના જન્મદિવસની પ્રેરણાદાયી ઉજવણી કરવામાં આવી હતી.
હાલ કોરોના બાદ જ્યારે 2 વર્ષના અંતરાલે શાળાઓ ખુલી છે ત્યારે ઘણા બધાં બાળકો વાંચન લેખન ભૂલી ગયા હોઈ, ધો. 1 થી 8 તમામ 165 બાળકોને વાંચન સંદર્ભ સાહિત્યની બેસ્ટ બુક છપાવીને આપી ઉપરાંત ધો. 3 થી 8 બાળકોને કંપાસબોક્સ તથા ધો. 1-2ના બાળકોને સ્લેટ તથા શૈક્ષણિક કીટનું વિતરણ કરી સમાજને પ્રેરણાદાયી સંદેશો આપતી ઉજવણી કરવામાં આવી હતી.
શાળા પરીવાર વતી તન્મયને પુસ્તક આપી અને એના પપ્પા ગોપાલભાઈ ગામીને સાલ ઓઢાડીને સન્માન કરવામાં આવ્યુ હતું.
આ અગાઉ પણ 2019મા હંસરાજભાઈ ગામીના પરીવાર દ્વારા શાળાના તમામ બાળકોને આશરે રૂ. 62000 ની કિંમતના સ્વેટરની ભેટ આપવામાં આવી હતી. ઉપરાંત હર હંમેશ શાળા તથા બાળકો માટે જરૂરીયાતની કોઈપણ વસ્તુ માટે ગમે ત્યારે સંપર્ક કરવા હંસરાજભાઈ ગામી તથા એમના પરીવાર દ્વારા જણાવાયું છે.
- text
દીકરાના જન્મદિવસની પ્રેરણાદાયી ઉજવણી કરવા બદલ આ હજનાળી શાળા પરીવાર ગામી પરીવારનો સહ્યદય આભાર વ્યક્ત કરે છે.
- text
