55 સ્ટોલ સાથે રાજ્યના 33 જિલ્લાના સ્વ-સહાય જૂથોની બહેનો હસ્તકલા અને ગૃહઉદ્યોગની ચીજવસ્તુઓનું સીધું વેચાણ કરશેમોરબી અપડેટ: ગુજરાત સરકારના ગ્રામ વિકાસ વિભાગ હેઠળની ગુજરાત લાઈવલીહૂડ પ્રમોશન કંપની લિમિટેડ (GLPC) દ્વારા રાષ્ટ્રીય ગ્રામીણ આજીવિકા મિશન અંતર્ગત મહિલા સશક્તિકરણ અને આજીવિકા પ્રોત્સાહન માટે મોરબી ખાતે જિલ્લા ગ્રામ વિકાસ એજન્સી દ્વારા 10 દિવસીય 'પ્રાદેશિક મેળો-2026' નું આયોજન કરવામાં આવ્યું છે.મોરબીના શનાળા રોડ પર આવેલ સ્કાય મોલની બાજુમાં, શિવ હૉલ સામેના રત્નકલા ગ્રાઉન્ડ ખાતે તારીખ 01/10/2026 થી 10/10/2026 સુધી આ મેળો યોજાશે. આ પ્રાદેશિક મેળામાં રાજ્યના 33 જિલ્લાઓમાંથી 150 થી 200 જેટલી સખી મંડળની બહેનો અને સ્વ-સહાય જૂથો ભાગ લેશે. જેમાં હસ્તકલા, હેન્ડલૂમ, હેન્ડીક્રાફ્ટ, ગૃહસુશોભન, વણાટકામની વસ્તુઓ, ઝુલા, સાડી, બાંધણી, દોરી વર્કની બનાવટો, સીઝનેબલ મસાલા અને અથાણાં જેવી પ્રોડક્ટ્સના 50 સ્ટોલ તથા ખાણીપીણીના 5 સ્ટોલ મારફતે બહેનો દ્વારા ઉત્પાદિત કલાત્મક ચીજવસ્તુઓનું સીધું જ વેચાણ કરવામાં આવશે.સખી બહેનોના કૌશલ્યને પ્રોત્સાહિત કરવા અને આજીવિકા માટે યોગ્ય બજાર વ્યવસ્થા પૂરી પાડવાના હેતુથી યોજાયેલા આ મેળાની મુલાકાત લઈ મહિલા સશક્તિકરણને પ્રોત્સાહન પૂરૂં પાડવા મોરબીના નાગરિકોને જિલ્લા વહીવટી તંત્ર અને બળવંતસિંહ જાડેજા દ્વારા અનુરોધ કરવામાં આવ્યો છે.#Morbi #MorbiUpdate #RegionalFair2026 #WomenEmpowerment #GLPC #Handicraft #VocalForLocal #MorbiNews
.jpg)
