વિધાનસભા સત્ર ચાલુ ન હોવા છતાં ધારાસભ્યએ ખાસ સમય ફાળવી ખેડૂતોને સંસદીય પ્રક્રિયા અને કામગીરીથી વાકેફ કર્યા: ખેડૂતોએ શાલ ઓઢાડી સન્માન કર્યુંમોરબી અપડેટ : ટંકારા-પડધરી વિધાનસભા વિસ્તારના 60 થી વધુ ખેડૂતોએ સ્થાનિક ધારાસભ્ય દુર્લભજીભાઈ દેથરીયાની વિશેષ આગેવાની અને માર્ગદર્શન હેઠળ ગુજરાત વિધાનસભાની મુલાકાત લીધી હતી. આ મુલાકાત દરમિયાન ધારાસભ્ય દ્વારા તમામ ખેડૂતોને વિધાનસભા ગૃહ, તેની કામગીરી અને સંસદીય પ્રક્રિયાઓ વિશે વિગતવાર માહિતી પૂરી પાડવામાં આવી હતી.હાલ વિધાનસભાનું સત્ર ચાલુ ન હોવા છતાં, ધારાસભ્ય દુર્લભજીભાઈ દેથરીયાએ ખાસ સમય ફાળવીને ખેડૂતોને વિધાનસભાની અંદર લઈ જઈને મુલાકાત કરાવી હતી. જ્યાં તેમણે મંત્રીઓ અને ધારાસભ્યોની ભૂમિકા તેમજ લોકશાહીની સર્વોચ્ચ સંસ્થા ગણાતી વિધાનસભાને લગતી તમામ બાબતો અંગે ખેડૂતો સાથે વિસ્તૃત ચર્ચા-વિચારણા કરી હતી.આ સફળ અને માહિતીસભર મુલાકાત બાદ ઉપસ્થિત તમામ ખેડૂતોએ પોતાના વિસ્તારના ધારાસભ્ય દુર્લભજીભાઈ દેથરીયાનો હૃદયપૂર્વક આભાર વ્યક્ત કર્યો હતો અને તેમને શાલ ઓઢાડીને વિશેષ સન્માન કર્યું હતું. ખેડૂતોએ રાજીપો વ્યક્ત કરતાં જણાવ્યું હતું કે, તેમના વિસ્તારના ધારાસભ્ય અત્યંત ઉત્સાહી છે અને સતત લોકહિત તથા વિકાસલક્ષી કાર્યો કરી રહ્યા છે. ખેડૂતોએ ધારાસભ્યની કાર્યશૈલી અને સમર્પણ ભાવને બિરદાવી ખુશી વ્યક્ત કરી હતી.#Morbi #Tankara #Paddhari #GujaratVidhanSabha #Farmers #MorbiUpdates #MorbiNews #GujaratNews
.jpg)
