શેરની પ્રાઇસ બેન્ડ 140 થી 148 રૂપિયા : ઇશ્યૂ દ્વારા કંપની 780 કરોડ રૂપિયા સુધીનું ભંડોળ એકત્ર કરશે મોરબી અપડેટ : મોરબીની જાણીતી સિરામિક અને વિટ્રિફાઇડ ટાઇલ્સ ઉત્પાદક કંપની Varmora Granito પોતાનો નવો IPO લઈને મૂડીબજારમાં પ્રવેશી રહી છે. રોકાણકારો માટે આ IPO આગામી Sep 22 થી 24, 2026 સુધી ખુલ્લો રહેશે. કંપનીએ શેરની પ્રાઇસ બેન્ડ 140 થી 148 રૂપિયા નક્કી કરી છે. આ ઇશ્યૂ દ્વારા કંપની 780 કરોડ રૂપિયા સુધીનું ભંડોળ એકત્ર કરવાની યોજના ધરાવે છે, જેમાં 320 કરોડ રૂપિયાનો ફ્રેશ ઇશ્યૂ અને 388 કરોડ રૂપિયાની ઓફર ફોર સેલ સામેલ છે. કંપનીની અંદાજિત માર્કેટ કેપ 3345 કરોડ રૂપિયા આંકવામાં આવી છે અને ફેસ વેલ્યુ 2 રૂપિયા છે. રિટેલ રોકાણકારો માટે 35% હિસ્સો અનામત રાખવામાં આવ્યો છે અને એક લોટમાં 101 શેર મળશે. નોંધનીય છે કે આ ઇશ્યૂ બાદ પ્રમોટર્સનો હિસ્સો 52% થી ઘટીને 47% થઈ જશે.વ્યાપારિક વ્યાપ અને ઉત્પાદન ક્ષમતા વર્ષ 2003 માં શરૂ થયેલી આ કંપની આજે ગુજરાતમાં 8 જેટલી મેન્યુફેક્ચરિંગ ફેસિલિટી ધરાવે છે. વેચાણ નેટવર્કની વાત કરીએ તો, કંપની દેશ-વિદેશમાં 305 એક્સક્લુઝિવ બ્રાન્ડ આઉટલેટ્સ અને 2758 મલ્ટી-બ્રાન્ડ આઉટલેટ્સ ધરાવે છે. કંપનીની કુલ આવકનો 74% હિસ્સો ગ્લેઝ્ડ વિટ્રિફાઇડ ટાઇલ્સ અને ટેકનિકલ પ્રોડક્ટ્સના વેચાણમાંથી આવે છે. તેમાં પણ કંપની દ્વારા વેચાતી 82% પ્રોડક્ટ્સ ઇન-હાઉસ તૈયાર થાય છે. ડોમેસ્ટિક માર્કેટમાં કંપનીની 2/3 આવક B2C રિટેલ ચેનલ દ્વારા અને બાકીની આવક B2B ચેનલના માધ્યમથી પ્રાપ્ત થાય છે.નાણાકીય સ્થિતિ અને વેલ્યુએશનકંપનીના નાણાકીય આંકડાઓ પર નજર કરીએ તો, ઓપરેશનલ આવક વાર્ષિક ધોરણે 2.6% ના વધારા સાથે 1512.5 કરોડ રૂપિયા નોંધાઈ છે, જ્યારે ચોખ્ખો નફો 10.7% વધીને 55.1 કરોડ રૂપિયા રહ્યો છે. કંપનીનો ઓપરેટિંગ પ્રોફિટ 21.4% વધીને 221.6 કરોડ રૂપિયા થયો છે અને EBITDA માર્જિન પણ 10.2% થી સુધરીને 14.2% પર પહોંચ્યું છે. દેવાની વાત કરીએ તો નાણાકીય વર્ષ 26 માં કંપનીનું નેટ ડેટ ઘટીને 2434.3 કરોડ રૂપિયા થયું છે જે અગાઉ નાણાકીય વર્ષ 24 માં 3145.7 કરોડ રૂપિયા હતું. જોકે વેલ્યુએશનની દ્રષ્ટિએ કંપનીનો P/E રેશિયો 61 પર છે, જે માર્કેટ લીડર Kajaria Ceramics ના 39 P/E ની સરખામણીમાં ઘણો ઊંચો જણાય છે, જેનું માર્જિન પણ 18% આસપાસ વધુ છે.રોકાણકારો માટે રહેલા જોખમોટાઈમ્સ ઓફ ઇન્ડિયાના જણાવ્યા અનુસાર રોકાણ કરતા પહેલા કેટલાક જોખમો ધ્યાનમાં લેવા જરૂરી છે. કંપનીની કુલ આવકમાંથી 1/5 જેટલી આવક આંતરરાષ્ટ્રીય બજારોમાંથી આવે છે. હાલમાં મધ્ય પૂર્વના દેશોમાં ચાલી રહેલા સંઘર્ષને કારણે જહાજોની અછત ઊભી થઈ છે, જે કંપનીના વિદેશી વેચાણને અસર કરી શકે છે. આ ઉપરાંત ટાઇલ્સ ઉદ્યોગમાં નેચરલ ગેસ અને પ્રોપેનનો મોટા પાયે ઉપયોગ થાય છે, અને ભૌગોલિક રાજકીય તણાવના કારણે તેના ભાવ અને ઉપલબ્ધતા પર અસર પડી શકે છે. કંપનીના તમામ 8 પ્લાન્ટ મોરબીમાં જ હોવાથી ભૌગોલિક એકત્રીકરણનું જોખમ પણ રહેલું છે. આ તમામ પરિબળો અને ઊંચા વેલ્યુએશનને જોતા નિષ્ણાતો રોકાણકારોને લિસ્ટિંગ પછી સ્થિતિ સ્પષ્ટ થાય ત્યાં સુધી રાહ જોવાની સલાહ આપી રહ્યા છે.#VarmoraGranito #VarmoraIPO #StockMarket #IPO2026 #MorbiUpdate #MorbiTiles #BusinessNews #Investment #ShareMarket #GujaratBusiness
.jpg)
