ભીખ માંગવાના નામે આંટાફેરા કરતી ટોળકીએ ઘરને નિશાન બનાવી કરી હતી ચોરી : પોલીસે 3,47,600 રૂપિયાનો મુદ્દામાલ જપ્ત કર્યોમોરબી અપડેટ : (ટંકારા)ટંકારાની લક્ષ્મીનારાયણ સોસાયટીમાં થયેલી ઘરફોડ ચોરીનો ભેદ ટંકારા પોલીસે ગણતરીના દિવસોમાં ઉકેલી નાખ્યો છે. પોલીસે સોના-ચાંદીના દાગીના અને રીક્ષા સહિત કુલ 3,47,600 રૂપિયાનો મુદ્દામાલ કબજે કરી એક આરોપીની ધરપકડ કરી છે. જ્યારે આ ગુનામાં સંડોવાયેલા અન્ય બે આરોપીઓને પકડવાના ચક્રો ગતિમાન કર્યા છે.શું હતો સમગ્ર મામલો?16/09/2026 ના રોજ બપોરના 2 વાગ્યાથી સાંજના 5 વાગ્યાના અરસામાં ટંકારાની લક્ષ્મીનારાયણ સોસાયટી શેરી નંબર-7 માં રહેતા ફરિયાદી સુનીભાઇ મોહનભાઇ રાઠોડના બંધ મકાનમાં અજાણ્યા શખ્સોએ ત્રાટકીને તિજોરીમાંથી 2,47,600 રૂપિયાના સોના-ચાંદીના દાગીનાની ચોરી કરી હતી. આ મામલે ટંકારા પોલીસ સ્ટેશનમાં ગુનો નોંધવામાં આવ્યો હતો.પોલીસની તપાસ અને આરોપીની ધરપકડઆ અનડિટેક્ટ ગુનાને ઉકેલવા માટે પોલીસ ઇન્સ્પેક્ટર જે.ડી. ઝાલાના માર્ગદર્શન હેઠળ ટંકારા પોલીસ સ્ટાફ કાર્યરત હતો. દરમિયાન બાતમી મળી હતી કે આરોપીઓએ ચોરીમાં GJ-10-T-8165 નંબરની સીએનજી રીક્ષાનો ઉપયોગ કર્યો છે અને તેઓ આ મુદ્દામાલ મોરબી વેચવા જઈ રહ્યા છે. આ બાતમીના આધારે ટંકારા નગરનાકા પાસેથી એક શખ્સને દાગીના સાથે ઝડપી પાડવામાં આવ્યો હતો. પૂછપરછમાં તેણે કબૂલાત કરી હતી કે તેણે પોતાની પત્ની ભાવના અને સંબંધી સંજયભાઇ રાયધનભાઇ વાઘેલા સાથે મળીને આ ચોરી કરી હતી. પોલીસે તેની પાસેથી દાગીના અને રીક્ષા સહિત 3,47,600 રૂપિયાનો મુદ્દામાલ જપ્ત કર્યો છે.પકડાયેલ અને ફરાર આરોપીઓની વિગતપકડાયેલ આરોપી: ગોપાલભાઇ રાયમલભાઇ વાઘેલા (ઉંમર-26, રહે. ધ્રોલ રોડ, ચામુંડાવાસ, ઝૂંપડામાં, તા. ધ્રોલ, જિ. જામનગર).ફરાર આરોપીઓ: ભાવનાબેન ગોપાલભાઇ વાઘેલા (રહે. ધ્રોલ જોડિયા રોડ, ચામુંડાવાસ, ઝૂંપડામાં, તા. ધ્રોલ, જિ. જામનગર) તથા સંજયભાઇ ઉર્ફે મેહુલ રાયધનભાઇ વાઘેલા (રહે. ધ્રોલ લતીપર રોડ, તા. ધ્રોલ, જિ. જામનગર).મોડસ ઓપરેન્ડી (ચોરી કરવાની રીત)આ ટોળકી દિવસ દરમિયાન ભીખ માંગવાના બહાને સોસાયટીઓમાં આંટાફેરા મારતી હતી. ત્યારબાદ બંધ મકાન જોઈને તેના તાળા તોડીને ઘરમાં પ્રવેશી ચોરી કરવાની મોડસ ઓપરેન્ડી ધરાવે છે. ફરાર આરોપી સંજય ઉર્ફે મેહુલ વાઘેલા સામે ભાવનગર (ઘોઘારોડ અને બોરતળાવ), અમરેલી (ચલાલા), જામનગર (ધ્રોલ) અને રાજકોટ (કોટડા સાંગાણી અને પ્રદ્યુમનનગર) ના વિવિધ પોલીસ સ્ટેશનમાં અગાઉ 7 જેટલા ગુનાઓ નોંધાઈ ચૂક્યા છે.#MorbiUpdate #TankaraPolice #CrimeNews #Tankara #Morbi #TheftSolved #GujaratPolice #CrimeBranch
.jpg)
