10 સપ્ટેમ્બરથી 9 ઓક્ટોબર સુધી ઈ-ગ્રામ કેન્દ્રો ખાતે વિનામૂલ્યે નોંધણી પ્રક્રિયા ચાલુ: નોંધણી વખતે તમામ સર્વે નંબરનો સમાવેશ કરવા તાકીદમોરબી અપડેટ : ભારત સરકાર દ્વારા વર્ષ 2026-27 ના ખરીફ પાકો માટે ટેકાના ભાવ જાહેર કરવામાં આવ્યા છે. ખેડૂતોને તેઓની ઉત્પાદિત ખેત જણસોના પોષણક્ષમ ભાવ મળી રહે તે હેતુથી મોરબી જિલ્લામાં મગફળી, મગ, અડદ અને સોયાબીનની ટેકાના ભાવે ખરીદી માટેની ઓનલાઈન નોંધણી પ્રક્રિયા શરૂ કરવામાં આવી છે.સરકાર દ્વારા મગફળી માટે રૂ. 7517, મગ માટે રૂ. 8780, અડદ માટે રૂ. 8200 તથા સોયાબીન માટે રૂ. 5708 પ્રતિ ક્વિન્ટલ ટેકાના ભાવ નક્કી કરવામાં આવ્યા છે. રાજ્યના તમામ જિલ્લાઓની સાથે મોરબીમાં પણ આ ખરીફ પાકોની ટેકાના ભાવે ખરીદી માટે ઓનલાઈન નોંધણી તારીખ 10-09-2026 થી 09-10-2026 સુધીના 30 દિવસ દરમિયાન ગ્રામ્ય કક્ષાએ આવેલ ઈ-ગ્રામ કેન્દ્રો ખાતે વિનામૂલ્યે VCE મારફતે કરવામાં આવી રહી છે.ટેકાના ભાવે ખરીદી માટે નોંધણી કરાવવા ફાર્મર રજીસ્ટ્રેશન ફરજિયાત કરવામાં આવેલ છે. ફાર્મર રજીસ્ટ્રેશન ધરાવતા ખેડૂતોની ઓનલાઈન નોંધણી L1 POS મશીન મારફતે થમ્બ પ્રિન્ટ અથવા ફેસિયલ ઓથેન્ટીકેશન દ્વારા બાયોમેટ્રિક આધારિત કરવામાં આવશે. આ નોંધણી ભારત સરકારના PM-AASHA પ્રોક્યોરમેન્ટ પોર્ટલ ([https://esamridhi.da.gov.in](https://esamridhi.da.gov.in?utm_source=gemini)) પર થઈ રહી છે.ટેકાના ભાવે ખેત જણસનું વેચાણ કરવા માટે નોંધણી કરાવતી વખતે ફાર્મર રજીસ્ટ્રેશન હેઠળ આવરી લેવામાં આવેલા તમામ સર્વે નંબરોનો વિસ્તાર નોંધણી માટે ધ્યાને લેવામાં આવનાર છે. જેથી ખેડૂતોને ટેકાના ભાવે ખરીદીનો લાભ મેળવવામાં કોઈ મુશ્કેલી ન પડે તે માટે તેઓએ સમયસર ફાર્મર રજીસ્ટ્રેશન કરાવી તેમાં પોતાના તમામ સર્વે નંબરોનો સમાવેશ કરાવી લેવા જણાવાયું છે. મોરબી જિલ્લાના તમામ ખેડૂતોને નિર્ધારિત સમયમર્યાદામાં ઈ-ગ્રામ કેન્દ્ર ખાતે ઓનલાઈન નોંધણી કરાવી યોજનાનો લાભ લેવા જિલ્લા ખેતીવાડી અધિકારી દ્વારા અનુરોધ કરવામાં આવ્યો છે.#Morbi #MorbiNews #MorbiUpdates #Agriculture #MSP #Farmers #KharifCrop #GujaratNews
.jpg)
