શહેરને સ્વચ્છ રાખતા કર્મચારીઓને મીઠાઈ-ફરસાણ અર્પણ કરાયામોરબી અપડેટ: સાતમ-આઠમના પાવન પર્વ નિમિત્તે મોરબી શહેરને સ્વચ્છ અને સુંદર રાખવામાં મહત્વપૂર્ણ ભૂમિકા ભજવતા સફાઈ કર્મચારીઓ પ્રત્યે આદર અને કૃતજ્ઞતા વ્યક્ત કરવા માટે મિશન ન્યૂ ઇન્ડિયા–મોરબી ટીમ દ્વારા એક સુંદર સેવાકીય પહેલ કરવામાં આવી હતી. આ પ્રસંગે મોરબી મહાનગરપાલિકાના સફાઈ કર્મચારીઓને મીઠાઈ તથા ફરસાણની ભેટ અર્પણ કરી તેમનું સન્માન કરવામાં આવ્યું હતું.સફાઈ કર્મચારીઓ શહેરની સ્વચ્છતા જાળવવા માટે નિયમિતપણે અને નિષ્ઠાપૂર્વક પોતાની ફરજ બજાવે છે, ત્યારે તેમના આ યોગદાનને બિરદાવવા આયોજિત આ કાર્યક્રમમાં મયુરભાઈ મહેતા, ધર્મેન્દ્રભાઈ શુક્લ તથા ધ્રુવભાઈ જારિયા દ્વારા વિશેષ સહયોગ આપવામાં આવ્યો હતો. આ પહેલ દ્વારા સ્વચ્છતા કર્મચારીઓના યોગદાનને સન્માન આપવાની સાથે સામાજિક જવાબદારીનો સંદેશ પણ આપવામાં આવ્યો છે.નોંધનીય છે કે, સન્માન મેળવનાર સફાઈ કર્મચારીઓની ગોપનીયતા અને સ્વાભિમાન જળવાઈ રહે તે હેતુથી આ પ્રસંગની તસવીરોમાં તેમના ચહેરા બ્લર કરવામાં આવ્યા હતા. મિશન ન્યૂ ઇન્ડિયા ટીમનું માનવું છે કે કોઈને આપવામાં આવતી મદદનો પ્રચાર તેની ઓળખ જાહેર કરીને કરવો જરૂરી નથી. આ સેવાકીય પ્રવૃત્તિનો મુખ્ય હેતુ પ્રસિદ્ધિ મેળવવાનો નહીં, પરંતુ સમાજના અન્ય લોકોને પણ આવી માનવતાભરી પ્રવૃત્તિઓ માટે પ્રેરણા પૂરી પાડવાનો છે.#MorbiUpdate #MorbiNews #MissionNewIndia #SanitationWorkers #SocialWork #Humanity #SatamAatham #Morbi
.jpg)
