વાંકાનેર ખાતે સ્વરોજગાર મેળો તથા મોરબીમાં કન્યા સુરક્ષા અને સ્વાસ્થ્ય અંગેના જાગૃતિ કાર્યક્રમો યોજાયામોરબી અપડેટ: મોરબી જિલ્લામાં મહિલાઓને આર્થિક રીતે સક્ષમ, આત્મનિર્ભર અને સુરક્ષિત બનાવવાના ઉમદા હેતુસર રાજ્ય સરકારના માર્ગદર્શન હેઠળ 'નારી વંદન ઉત્સવ' સપ્તાહની ઉત્સાહભેર ઉજવણી કરવામાં આવી રહી છે. આ વિશેષ સપ્તાહ અંતર્ગત વાંકાનેર ખાતે 'મહિલા સ્વાવલંબન દિવસ' નિમિત્તે સ્વરોજગાર મેળા અને સેમિનારનું આયોજન કરવામાં આવ્યું હતું, જ્યારે મોરબી ખાતે 'બેટી બચાવો બેટી પઢાઓ' દિવસ અન્વયે દીકરીઓની સુરક્ષા, શિક્ષણ અને સ્વાસ્થ્ય પર વિશેષ જાગૃતિ કાર્યક્રમ યોજાયો હતો. આ બંને કાર્યક્રમો દ્વારા જિલ્લાની મહિલાઓ અને દીકરીઓને પ્રોત્સાહિત કરવાનો સુંદર પ્રયાસ કરવામાં આવ્યો છે.વાંકાનેર ખાતે સ્વરોજગાર મેળો અને જાગૃતિ સેમિનાર યોજાયોવાંકાનેર સ્થિત એચ.એન. દોશી આર્ટસ એન્ડ આર.એન. દોશી કોમર્સ કોલેજ ખાતે 'મહિલા સ્વાવલંબન દિવસ' નિમિત્તે વિશેષ સ્વરોજગાર મેળો અને જાગૃતિ સેમિનાર યોજાયો હતો. આ સેમિનારના અંતે યોજાયેલી ઇન્ટરવ્યુ પ્રક્રિયામાં વિવિધ એજન્સીઓ અને કંપનીઓ સમક્ષ સ્થાનિક દીકરીઓએ ઉત્સાહભેર ભાગ લીધો હતો.કાર્યક્રમમાં જિલ્લા મહિલા અને બાળ અધિકારી જલ્પાબેન ત્રિવેદીએ મહિલાઓને આર્થિક રીતે પગભર બની સ્વાવલંબી બનવા માટે પ્રેરણાદાયી માર્ગદર્શન આપ્યું હતું. આ સેમિનારમાં રોજગાર કચેરીના કાઉન્સેલર ચતુરભાઈ વરાણીયા, હરેશભાઈ પરમાર, યોગીરાજસિંહ ઝાલા તેમજ મયૂરભાઈ સોલંકી અને અમિતભાઈ પઢારીયા દ્વારા શ્રમજીવી મહિલાઓના અધિકારો, કલ્યાણકારી યોજનાઓ તથા મહિલા અને બાળ વિકાસ વિભાગની સ્વરોજગાર લક્ષી યોજનાઓની વિસ્તૃત જાણકારી પૂરી પાડવામાં આવી હતી. આ પ્રસંગે વાંકાનેર તાલુકા વિકાસ અધિકારી માયાબેન જાની, કોલેજના પ્રિન્સિપાલ ડો. વાય.એમ. ચુડાસમા સહિત વિવિધ વિભાગોના અધિકારીઓ અને સામાજિક કાર્યકરો ઉપસ્થિત રહ્યા હતા.મોરબી ખાતે કન્યા સુરક્ષા, શિક્ષણ અને સ્વાસ્થ્ય પર જાગૃતિબીજી તરફ, મોરબીમાં કન્યા સુરક્ષા, શિક્ષણ અને સ્વાસ્થ્ય પ્રત્યે વ્યાપક જાગૃતિ લાવવાના હેતુથી જિલ્લા શિક્ષણાધિકારીની કચેરીના સભાખંડ ખાતે 'બેટી બચાવો બેટી પઢાઓ' દિવસ અન્વયે વિશેષ જાગૃતિ કાર્યક્રમ યોજાયો હતો. આ કાર્યક્રમમાં જિલ્લા મહિલા અને બાળ અધિકારી જે.બી. ત્રિવેદીએ પ્રાસંગિક ઉદ્બોધન કરી દીકરીઓમાં આત્મવિશ્વાસ વધારવા અને શિક્ષણ મેળવી સ્વમાનભેર આગળ વધવા પ્રેરણા આપી હતી.આ પ્રસંગે બાળ સુરક્ષા એકમના સામાજિક કાર્યકર રંજનબેન મકવાણા દ્વારા ગુડ ટચ, બેડ ટચ અને પોક્સો (POCSO) એક્ટ અંગે મહત્વપૂર્ણ તબીબી તથા કાનૂની સમજ આપવામાં આવી હતી. આ ઉપરાંત, આરોગ્ય વિભાગના મેડિકલ ઓફિસર ડો. જિગીષા પટેલ દ્વારા કિશોરીઓ માટે મેન્સ્ટ્રુઅલ હાઇજીન વિષય પર માર્ગદર્શન પૂરું પાડવામાં આવ્યું હતું. ડિસ્ટ્રિક્ટ કો-ઓર્ડિનેટર મયૂરભાઈ સોલંકી દ્વારા મહિલા અને બાળ વિકાસ વિભાગની વિવિધ કલ્યાણકારી યોજનાઓની જાણકારી આપવામાં આવી હતી. આ કાર્યક્રમમાં જિલ્લા પ્રાથમિક શિક્ષણાધિકારી એન.એ. મહેતા સહિતના અધિકારીઓ અને કર્મચારીઓ ઉપસ્થિત રહ્યા હતા.#MorbiUpdates #NariVandanUtsav #MahilaSwavalamban #BetiBachaoBetiPadhao #Wankaner #MorbiNews #WomenEmpowerment #GujaratNews
.jpg)
