કુબેર સિનેમા પાસે સર્જાયેલી સ્થિતિ: લાઈનની બરાબર ઉપરથી GEB ની વીજલાઇન પસાર થતી હોવાથી દુર્ઘટનાનો ભયમોરબી અપડેટ: મોરબીના સામાકાંઠે નેશનલ હાઇવે પર શોભેશ્વર રોડ તરફ જતા રસ્તે કુબેર સિનેમા પાસે પાણીની લાઈન તૂટી જવાની ઘટના સામે આવી છે. લાઈન તૂટવાને કારણે રસ્તા પર પાણી ફરી વળ્યા છે અને હજારો લીટર શુદ્ધ પાણીનો સતત વેડફાટ થઈ રહ્યો છે.મળતી માહિતી મુજબ, જ્યાં આ પાણીની લાઈન તૂટી છે અને પાણીના ફુવારા ઉડી રહ્યા છે, બરાબર તેની ઉપર જ GEB ની જીવંત વીજલાઇન પસાર થઈ રહી છે. પાણી અને વીજળીના આ જોખમી સમન્વયને કારણે શોર્ટ સર્કિટ કે અન્ય કોઈ મોટી દુર્ઘટના સર્જાવાની પૂરેપૂરી શક્યતા છે. આ ગંભીર સ્થિતિના લીધે સ્થાનિકો અને ત્યાંથી પસાર થતા રાહદારીઓમાં ભારે ભયનો માહોલ જોવા મળી રહ્યો છે.જવાબદાર તંત્ર દ્વારા સત્વરે આ પાણીની લાઈનનું સમારકામ કરવામાં આવે અને કિંમતી પાણીનો વેડફાટ અટકાવવાની સાથે તોળાઈ રહેલા જોખમને તાત્કાલિક દૂર કરવામાં આવે તેવી લોકમાંગ પ્રબળ બની છે.#Morbi #MorbiUpdate #WaterWastage #SamaKantha #ShobeshwarRoad #GEB #CivicIssues #GujaratNews
.jpg)
