કલેક્ટર સ્વપ્નિલ ખરે અને DDO વિદ્યાસાગરે યુવાનોને સ્પર્ધાત્મક પરીક્ષાઓમાં સફળતા માટે આપ્યા મંત્રો: સેલ્ફ સ્ટડી અને ન્યૂઝ પેપરના નિયમિત વાંચન પર મુકાયો ભારમોરબી: મોરબીના યુવાનોને સિવિલ સર્વિસ ક્ષેત્રે કારકિર્દી બનાવવાની પ્રેરણા અને યોગ્ય દિશા પૂરી પાડવાના આશયથી એલ.ઈ. ડિગ્રી એન્જિનિયરિંગ કોલેજ ખાતે જિલ્લા રોજગાર કચેરી દ્વારા UPSC અને GPSC જેવી સ્પર્ધાત્મક પરીક્ષાઓ માટેનો વિશેષ સેમિનાર યોજાયો હતો. આ કાર્યક્રમમાં કલેક્ટર સ્વપ્નિલ ખરે અને જિલ્લા વિકાસ અધિકારી વિદ્યાસાગરની પ્રેરક ઉપસ્થિતિ રહી હતી.કલેક્ટર અને DDO એ આપ્યું પ્રેરણાદાયી માર્ગદર્શનમાર્ગદર્શન આપતા કલેક્ટર સ્વપ્નિલ ખરેએ પોતાના અનુભવો શેર કરતાં જણાવ્યું હતું કે, કોઈ પણ પરીક્ષા નાની કે મોટી હોતી નથી; યોગ્ય શિડ્યુલ, પેપર પેટર્નની સમજ અને શ્રેષ્ઠ પુસ્તકોની પસંદગી જ સફળતાનો માર્ગ પ્રશસ્ત કરે છે. તેમણે વિદ્યાર્થીઓને નિષ્ફળતાથી નાસીપાસ થયા વિના સતત પ્રયત્નશીલ રહેવા અને જરૂર જણાયે તેમનું માર્ગદર્શન મેળવવા અનુરોધ કર્યો હતો. આ ઉપરાંત જિલ્લા વિકાસ અધિકારી વિદ્યાસાગરે સેલ્ફ સ્ટડી, દૈનિક ન્યૂઝ પેપર વાંચન અને અભ્યાસને પ્રથમ પ્રાથમિકતા આપવાની બાબત પર વિશેષ ભાર મૂક્યો હતો.અધિકારીઓએ સફળ વ્યુહરચના અંગે કર્યો સંવાદઆ સેમિનારમાં હળવદ પ્રાંત અધિકારી ધાર્મિક ડોબરીયા તેમજ ડેપ્યુટી કલેક્ટર અને મોરબી શહેર મામલતદાર તુષાર ગોરવાડીયાએ પણ પરીક્ષાલક્ષી સફળ વ્યુહરચના અંગે વિદ્યાર્થીઓ સાથે સીધો સંવાદ સાધ્યો હતો.કાર્યક્રમની શરૂઆતમાં જિલ્લા રોજગાર અધિકારી મનીષા સાવનિયાએ સ્વાગત પ્રવચન કર્યું હતું તથા કોલેજના પ્રિન્સિપાલ ડૉ. આર.કે. મેવાડાએ આભારવિધિ કરી હતી. આ સમગ્ર માર્ગદર્શન સેશનમાં કોલેજના વિદ્યાર્થીઓ અને સ્પર્ધાત્મક પરીક્ષાની તૈયારી કરતા પરીક્ષાર્થીઓ બહોળી સંખ્યામાં ઉત્સાહભેર જોડાયા હતા.#MorbiUpdate #MorbiNews #CompetitiveExams #UPSC #GPSC #GuidanceSeminar #LECollege #Morbi #GujaratNews
.jpg)
