ભારે વરસાદને પગલે સોસાયટીના મુખ્ય માર્ગો પર ધસમસતો પાણીનો પ્રવાહ વહેવા લાગ્યો: દુકાનોના શટર સુધી પાણી પહોંચતા વેપારીઓ અને સ્થાનિકો પરેશાનમોરબી : મોરબી શહેરમાં પડેલા ભારે વરસાદને કારણે અનેક વિસ્તારોમાં પાણી ભરાવાની સમસ્યા સર્જાઈ છે. ખાસ કરીને મોરબીના કલેક્ટર કચેરી રોડ પર આવેલી રચના સોસાયટીમાં વરસાદી પાણી ભરાતા ભારે જળબંબાકારની સ્થિતિ જોવા મળી રહી છે. વરસાદના કારણે સોસાયટીના રસ્તાઓ જાણે નદીમાં ફેરવાઈ ગયા હોય તેવા દ્રશ્યો સામે આવ્યા છે.માર્ગો પર પાણી ધસમસતા પ્રવાહ સાથે વહી રહ્યું છે. પાણીનું સ્તર એટલું ઊંચું છે કે તે દુકાનોના શટર અને મકાનોની દીવાલો સુધી પહોંચી ગયું છે. રસ્તાઓ પર ભરાયેલા આ ધસમસતા પાણીના કારણે સ્થાનિક રહીશો અને વાહનચાલકોને અવરજવરમાં ભારે હાલાકીનો સામનો કરવો પડી રહ્યો છે. દુકાનો અને નીચાણવાળા મકાનોમાં પાણી ઘૂસી જવાની દહેશતથી લોકોમાં ચિંતા જોવા મળી રહી છે.દર વર્ષે ચોમાસામાં વરસાદી પાણીના નિકાલના અભાવે સર્જાતી આ પ્રકારની સ્થિતિનો કોઈ કાયમી ઉકેલ ન આવતા સ્થાનિકોમાં તંત્રની કામગીરી સામે રોષ જોવા મળી રહ્યો છે. વહેલી તકે પાણીના નિકાલની વ્યવસ્થા કરવામાં આવે તેવી માંગ ઉઠી છે.#Morbi #MorbiUpdate #MorbiNews #Waterlogging #RachnaSociety #MorbiRain #Monsoon2026 #CivicIssues
.jpg)
