શૈક્ષણિક સુવિધાઓ અને લેબોરેટરીઓનું નિરીક્ષણ કરી વિદ્યાર્થીઓના કૌશલ્ય વિકાસ પર ભાર મૂકાયોમોરબી: રાજ્યના ઉચ્ચ અને તાંત્રિક શિક્ષણ મંત્રી તથા મોરબી જિલ્લાના પ્રભારી મંત્રી ત્રીકમભાઈ છાંગાએ જિલ્લા કલેક્ટર સ્વપ્નિલ ખરે સાથે મોરબીની ઐતિહાસિક સરકારી એલ.ઈ. (લખધીરજી એન્જિનિયરિંગ) કોલેજની મુલાકાત લીધી હતી.વિવિધ વિભાગો અને સુવિધાઓનું નિરીક્ષણમુલાકાત દરમિયાન પ્રભારી મંત્રીએ કોલેજના વિવિધ વિભાગો, આધુનિક પ્રયોગશાળાઓ, મશીનરી, તાલીમ સુવિધાઓ તથા શૈક્ષણિક માળખાનું સ્થળ પર નિરીક્ષણ કર્યું હતું. સંસ્થાના અધિકારીઓ દ્વારા કોલેજની કામગીરી, ઉપલબ્ધ સુવિધાઓ, આધુનિક ટેકનોલોજી આધારિત લેબોરેટરીઓ તેમજ ભવિષ્યના વિકાસલક્ષી આયોજન અંગે વિગતવાર માહિતી પૂરી પાડવામાં આવી હતી.ગુણવત્તાયુક્ત શિક્ષણ અને કૌશલ્ય વિકાસ પર ભારપ્રભારી મંત્રી ત્રીકમભાઈ છાંગાએ કોલેજના શૈક્ષણિક વાતાવરણ અને ગુણવત્તાયુક્ત તકનીકી શિક્ષણ માટે થઈ રહેલા પ્રયાસોની પ્રશંસા કરી હતી. તેમણે વિદ્યાર્થીઓને ઉદ્યોગોની જરૂરિયાતો મુજબ કૌશલ્યલક્ષી શિક્ષણ મળે તે માટે રાજ્ય સરકાર તરફથી જરૂરી તમામ સહયોગ આપવાની ખાતરી વ્યક્ત કરી હતી.સાથે જ જિલ્લા કલેક્ટર સ્વપ્નિલ ખરેએ પણ ઉપલબ્ધ સંસાધનોનો વધુ અસરકારક ઉપયોગ કરી વિદ્યાર્થીઓને શ્રેષ્ઠ શૈક્ષણિક સુવિધાઓ ઉપલબ્ધ કરાવવા અંગે સંબંધિત અધિકારીઓ સાથે સમીક્ષા કરી હતી.ઉપસ્થિત અધિકારીઓઆ મુલાકાત દરમિયાન જિલ્લા વિકાસ અધિકારી વિદ્યાસાગર, મહાનગરપાલિકા કમિશનર સંગીતા રૈયાણી, નાયબ કમિશનર સંજયકુમાર સોની, કોલેજના પ્રાચાર્ય, અધ્યાપકો તથા સંબંધિત વિભાગોના અધિકારીઓ હાજર રહ્યા હતા. મુલાકાત દરમિયાન પ્રભારી મંત્રીએ કોલેજના વિવિધ વિભાગોની મુલાકાત લઈ અધિકારીઓ સાથે સંવાદ કર્યો અને જરૂરી માર્ગદર્શન પૂરું પાડ્યું.#Morbi #MorbiNews #LECollege #TrikambhaiChhanga #SwapnilKhare #MorbiUpdates #Education #GujaratNews
.jpg)
