ગ્લોબલ વોર્મિંગ સામે લડવા માટે છેલ્લા 20 વર્ષથી અવિરત ચાલી રહ્યું છે વૃક્ષારોપણ અને જતનનું કાર્યમોરબી: ગ્લોબલ વોર્મિંગની ગંભીર અસરો આજે સમગ્ર વિશ્વમાં જોવા મળી રહી છે, ત્યારે પર્યાવરણને બચાવવા માટે મોરબી ગાયત્રી પરિવાર દ્વારા પર્યાવરણ સંવર્ધન અને જાગૃતિ મહાઅભિયાન શરૂ કરવામાં આવ્યું છે. તા. 19/07/2026 ના રોજ રવિવારના શુભ દિને મોરબી તાલુકાના માનસર ગામે એક ઐતિહાસિક વૃક્ષારોપણ અભિયાનનું આયોજન કરવામાં આવ્યું હતું.માનસરમાં મહાયજ્ઞ: 20 વીઘામાં 1000 વૃક્ષોનો સંકલ્પસમસ્ત ગ્રામજનોના સહકાર, દાતાઓની ઉદાર આર્થિક સહાય અને પર્યાવરણ પ્રેમીઓના માર્ગદર્શન સાથે અંદાજે 20 વીઘાની વિશાળ જમીનમાં કુલ 1000 વૃક્ષોનું વાવેતર કરીને આ મહાઅભિયાન સફળતાપૂર્વક સંપન્ન કરવામાં આવ્યું હતું.'વૈવિધ્યપૂર્ણ વન'નું નિર્માણઆ અભિયાનમાં માત્ર વૃક્ષોની સંખ્યા જ નહીં, પરંતુ તેની ગુણવત્તા પર પણ વિશેષ ધ્યાન આપવામાં આવ્યું છે. જે અંતર્ગત છાયા આપતા ઘટાદાર વૃક્ષો, ફળ-ફળાદિ આપતા વૃક્ષો અને આયુર્વેદિક મહત્વ ધરાવતા ઔષધીય વૃક્ષો દ્વારા સર્વઉપયોગી અને સર્વસ્પર્શી 'વૈવિધ્યપૂર્ણ વન' તૈયાર કરવાનો ધ્યેય રાખવામાં આવ્યો છે.જનશક્તિનો બહોળો જુવાળઆ યજ્ઞને સફળ બનાવવા માટે માનસરના યુવાનો, સમાજના આગેવાનો, ઉદ્યોગપતિઓ, પર્યાવરણ પ્રેમીઓ અને ગાયત્રી પરિવારના પરિજનોએ તન, મન અને ધનથી જહેમત ઉઠાવી હતી. આ ઉપરાંત મોરબી, રાજકોટ, જોધપર, ધુનડા અને ટંકારાથી આવેલા સેવાભાવી કાર્યકરોએ ઉત્સાહભેર શ્રમદાન આપીને આ કાર્યને એક ઉત્સવમાં ફેરવી દીધું હતું.ગાયત્રી પરિવારની 20 વર્ષની તપસ્યાગાયત્રી પરિવાર દ્વારા છેલ્લા 20 વર્ષથી સતત વૃક્ષો વાવવાનું અને તેનું જતન કરવાનું પવિત્ર કાર્ય કરવામાં આવી રહ્યું છે. થોડા દિવસો પહેલા જ આ વર્ષે 1200 કેસર કેરીના કલમી રોપાનું નિઃશુલ્ક વિતરણ કરીને ખેડૂતો અને ગ્રામજનોને પ્રકૃતિ સાથે જોડવાનો સ્તુત્ય પ્રયાસ કરવામાં આવ્યો છે. માનસરની આ ધરા હવે આવનારા સમયમાં હરિત ભવિષ્યનું સાક્ષી બનશે.#Morbi #MorbiNews #GayatriParivar #TreePlantation #Environment #MansarNews #GlobalWarming #GreenMorbi #MorbiUpdates
.jpg)
