શૈક્ષણિક સંકલન સમિતિ દ્વારા આયોજિત કાર્યક્રમમાં રાષ્ટ્ર નિર્માણ અને નવી શિક્ષણ નીતિ અંગે તજજ્ઞોએ માર્ગદર્શન પૂરું પાડ્યુંમોરબી : મોરબી જિલ્લા શૈક્ષણિક સંકલન સમિતિ દ્વારા તા. 18-07-2026 ના રોજ મોરબી ખાતે ગ્રાન્ટેડ શાળાઓ માટે ‘શિક્ષણ સેવા સંગઠન પર્વ-2026’ કાર્યક્રમનું સફળ આયોજન કરવામાં આવ્યું હતું. આ કાર્યક્રમમાં ગુજરાત રાજ્ય શૈક્ષણિક સંકલન સમિતિ સાથે સંકળાયેલા વિવિધ શિક્ષક અને કર્મચારી સંગઠનોના રાજ્યકક્ષાના અગ્રણીઓ તથા પ્રતિનિધિઓ વિશેષ ઉપસ્થિત રહ્યા હતા.તજજ્ઞો દ્વારા માર્ગદર્શન અને પ્રેરણાત્મક ઉદબોધનઆ કાર્યક્રમમાં આદેશકુમાર મહેતા, નારણભાઈ વીરડા, લયલેશભાઈ પરમાર, સંજયભાઈ પંડ્યા અને સુરેશભાઈ સરસાવાડિયાએ તજજ્ઞ વક્તા તરીકે હાજરી આપી હતી. તેઓએ રાષ્ટ્ર નિર્માણમાં સંગઠનનું યોગદાન, વ્યક્તિ વિકાસમાં સંગઠનની ભૂમિકા, નવી શિક્ષણ નીતિ તથા શિક્ષણ ક્ષેત્રે સંગઠનની આવશ્યકતા જેવા મહત્વના વિષયો પર માર્ગદર્શન પૂરું પાડ્યું હતું.આ ઉપરાંત, સંચાલક મંડળના ડૉ. અનિલભાઈ મહેતા અને ભાણજીભાઈ આદ્રોજાએ શિક્ષણ ક્ષેત્રના કર્મચારીઓને સંગઠન વધુ મજબૂત બનાવવા તેમજ શિક્ષણની ગુણવત્તા વધારવા માટે એકતાથી કાર્ય કરવા આહવાન કર્યું હતું.સ્વાગત, સંચાલન અને આભારવિધિઆ સુંદર કાર્યક્રમના પ્રારંભે સમિતિના પ્રમુખ સંજીવભાઈ જાવિયાએ સૌનું શાબ્દિક સ્વાગત કર્યું હતું. સમગ્ર કાર્યક્રમનું અસરકારક અને સફળ સંચાલન મુસ્તાકભાઈ ભોરિયાએ કર્યું હતું. જ્યારે કાર્યક્રમના અંતમાં ઉચ્ચતર માધ્યમિક શિક્ષક સંઘના પ્રમુખ ભગવાનજીભાઈ કુંભરવાડિયાએ આભારવિધિ કરી હતી.બહોળી ઉપસ્થિતિ અને કાર્યકરોની જહેમતઆ પ્રસંગે મોરબી જિલ્લાની વિવિધ ગ્રાન્ટેડ શાળાઓના સંચાલકો, આચાર્યો, શિક્ષકો અને વહીવટી કર્મચારીઓ મોટી સંખ્યામાં ઉપસ્થિત રહ્યા હતા. કાર્યક્રમને સફળ બનાવવા માટે બાબુલાલ હુંબલ, વિશાલભાઈ ગોધાણી, રાઘવભાઈ સંઘાણી, ભાવેશભાઈ, કામરિયા સાહેબ અને ઉષાબેન સહિતના તમામ કાર્યકરોએ ભારે જહેમત ઉઠાવી હતી. સમગ્ર કાર્યક્રમ શિક્ષણ ક્ષેત્રે એકતા અને સર્વાંગી વિકાસ માટે પ્રેરણાદાયી બની રહ્યો હતો.#Morbi #MorbiUpdate #MorbiNews #ShikshanSevaSangathanParv2026 #Education #GujaratEducation #TeachersUnion #MorbiDistrict
.jpg)
