ધોરણ 10 માં 60 ટકા ગુણ ધરાવતા વિદ્યાર્થીઓ માટે વિજ્ઞાન અને વાણિજ્ય પ્રવાહમાં પ્રવેશ મેળવવાની ઉત્તમ તક: મેરિટના આધારે અપાશે પ્રવેશમોરબી: જિલ્લાના તેજસ્વી વિદ્યાર્થીઓને ઉત્કૃષ્ટ શૈક્ષણિક વાતાવરણ પૂરું પાડતી કેન્દ્ર સરકારની સ્વાયત્ત સંસ્થા જવાહર નવોદય વિદ્યાલય-મોરબી ખાતે શૈક્ષણિક સત્ર 2026-27 માટે ધોરણ 11 (વિજ્ઞાન અને વાણિજ્ય પ્રવાહ) ની ખાલી બેઠકો પર પ્રવેશ પ્રક્રિયાનો પ્રારંભ કરવામાં આવ્યો છે. પ્રવેશ મેળવવા માટે પાત્રતા ધરાવતા વિદ્યાર્થીઓ પાસેથી આગામી 25 જૂન 2026 સુધીમાં અરજીઓ મંગાવવામાં આવી છે.પ્રવેશ માટેની લાયકાત:આ નિવાસી શિક્ષણ વ્યવસ્થાનો લાભ લેવા માટે વિદ્યાર્થીએ શૈક્ષણિક સત્ર 2025-26 દરમિયાન મોરબી જિલ્લાની માન્ય સી.બી.એસ.ઈ. (CBSE) અથવા રાજ્ય શિક્ષણ બોર્ડ (GSEB) સંલગ્ન શાળામાંથી ધોરણ 10 ની પરીક્ષા ઓછામાં ઓછા 60% ગુણ સાથે પાસ કરેલી હોવી અનિવાર્ય છે. વિજ્ઞાન પ્રવાહ પસંદ કરનાર ઉમેદવારે ધોરણ 10 માં વિજ્ઞાન અને ગણિત વિષયમાં પણ ન્યૂનતમ 60% ગુણ મેળવેલા હોવા જોઈએ. વયમર્યાદાના નિયમ અનુસાર, વિદ્યાર્થીની જન્મતારીખ 01-06-2009 થી 31-07-2011 ની વચ્ચે (બંને તારીખો સહિત) હોવી જરૂરી છે.પસંદગી પ્રક્રિયા:પ્રવેશ મેળવવા ઇચ્છતા વિદ્યાર્થીઓની પસંદગી નવોદય વિદ્યાલય સમિતિના નિયમો અનુસાર ધોરણ 10 ની બોર્ડ પરીક્ષાના ગુણોના મેરિટના આધારે તદ્દન પારદર્શી રીતે કરવામાં આવશે.અરજી કરવાની રીત:પ્રવેશ ફોર્મ મેળવવા માટે ઈચ્છુકોએ જવાહર નવોદય વિદ્યાલય-મોરબીની કચેરીનો સંપર્ક કરવાનો રહેશે અથવા સંસ્થાની અધિકૃત વેબસાઇટ www.navodaya.gov.in કે www.jnvmorbi.org.in પરથી વિનામૂલ્યે ફોર્મ ડાઉનલોડ કરી શકાશે. સંપૂર્ણ વિગતો સાથે ભરેલું અરજીપત્રક જરૂરી શૈક્ષણિક દસ્તાવેજોની સ્વ-પ્રમાણિત (Self-Attested) નકલો સાથે શાળાની કચેરીએ સમય દરમિયાન રૂબરૂ જમા કરાવી શકાશે. આ ઉપરાંત, સંસ્થાના સત્તાવાર ઈ-મેઈલ jnvmorbi@gmail.com પર ઓનલાઈન પણ ફોર્મ મોકલી શકાશે, તેમ જવાહર નવોદય વિદ્યાલય-મોરબીના આચાર્યની યાદીમાં જણાવાયું છે.#Morbi #MorbiUpdate #MorbiNews #JNV #JawaharNavodayaVidyalaya #Education #Admission #Class11 #Science #Commerce #NavodayaAdmission #StudentUpdate
.jpg)
