ધોરણ 11-12ના વિદ્યાર્થીઓ માટે 10 જૂન અને કોલેજ કક્ષાના વિદ્યાર્થીઓ માટે 30 જૂન સુધી ફોર્મ ભરવાની છેલ્લી તારીખ: રહેવા-જમવા સહિતની તમામ સુવિધાઓ તદ્દન વિનામૂલ્યે મળશેમોરબી : સામાજિક ન્યાય અને અધિકારીતા વિભાગ હસ્તકના નિયામક, અનુસૂચિત જાતિ કલ્યાણ ખાતુ, ગાંધીનગર સંચાલિત મોરબીના શોભેશ્વર રોડ પર આવેલી ડૉ.બી.આર. આંબેડકર સરકારી કુમાર છાત્રાલયમાં વર્ષ 2026-27 ના નૂતન શૈક્ષણિક વર્ષ માટે પ્રવેશ પ્રક્રિયાનો પ્રારંભ કરવામાં આવ્યો છે. અનુસૂચિત જાતિના પ્રતિભાવંત વિદ્યાર્થીઓને ઉચ્ચ શિક્ષણ માટે પૂરતી તકો મળી રહે તેવા હેતુથી ધોરણ 11-12 (તમામ પ્રવાહ) તેમજ મેડિકલ, એન્જિનિયરીંગ, ફાર્મસી ડિગ્રી-ડિપ્લોમા, આર્ટસ અને કોમર્સના સ્નાતક તથા અનુસ્નાતક કક્ષાના વિદ્યાર્થીઓ પાસેથી ઓનલાઈન અરજીઓ મંગાવવામાં આવી છે.ફોર્મ ભરવાની છેલ્લી તારીખપ્રવેશ મેળવવા ઈચ્છતા ફ્રેશ અને રિન્યુઅલ વિદ્યાર્થીઓએ સરકારી પોર્ટલ esamajkalyan.gujarat.gov.in પર જઈને નિયત સમયમર્યાદામાં ઓનલાઈન અરજી કરવાની રહેશે. ધોરણ 11 અને 12 ના વિદ્યાર્થીઓ તા. 10/06/2026 સુધી અરજી કરી શકશે. જ્યારે કોલેજ કક્ષાના (સ્નાતક/અનુસ્નાતક/ટેકનિકલ) વિદ્યાર્થીઓ તા. 30/06/2026 સુધી ઓનલાઈન ફોર્મ ભરી શકશે.પ્રવેશ મેળવવા માટેની પાત્રતા અને નિયમો• ગુણની ટકાવારી: પ્રવેશ મેળવવા ઈચ્છતા ફ્રેશ અને રિન્યુઅલ વિદ્યાર્થીઓએ અગાઉની વાર્ષિક પરીક્ષામાં લઘુતમ 50% કે તેથી વધુ ગુણ મેળવેલા હોવા અનિવાર્ય છે.• આવક મર્યાદા: છાત્રાલયમાં પ્રવેશ માટે વિદ્યાર્થીના પરિવારની વાર્ષિક આવક મર્યાદા રૂ. 6.00 લાખ કે તેથી ઓછી હોવી જોઈએ.• ડોક્યુમેન્ટ્સ: ઓનલાઈન અરજી ફોર્મ ભરતી વખતે તમામ જરૂરી શૈક્ષણિક અને જાતિના પ્રમાણપત્રો ડિજિટલ માધ્યમથી ઓનલાઈન જ અપલોડ કરવાના રહેશે. ઓનલાઈન અરજીના આધારે વહીવટી તંત્ર દ્વારા પ્રોવિઝનલ મેરિટ યાદી પ્રસિદ્ધ કરીને નિયમાનુસાર પ્રવેશ ફાળવવામાં આવશે.મળવાપાત્ર સુવિધાઓ અને સંપર્ક સૂત્રઆ સરકારી છાત્રાલયમાં પ્રવેશ મેળવનાર તમામ વિદ્યાર્થીઓને રહેવા, જમવા તેમજ લાઈટ-પાણી સહિતની તમામ ઉત્કૃષ્ટ સગવડો તદ્દન વિનામૂલ્યે પૂરી પાડવામાં આવે છે. છાત્રાલયમાં પ્રવેશ અંગેના વિસ્તૃત નિયમો ‘ઈ-સમાજ કલ્યાણ’ વેબસાઈટ પર ઉપલબ્ધ છે. માત્ર ઓનલાઈન અરજી કરવાથી પ્રવેશનો હક્ક દાવો કરી શકાશે નહીં.આ અંગે વધુ વિગત કે જરૂરી વહીવટી માર્ગદર્શન માટે કચેરી સમય દરમિયાન અનુસૂચિત જાતિ કલ્યાણ કચેરીના ફોન નંબર 02822-242224 પર સંપર્ક કરવા મોરબીના નાયબ નિયામક એ.એમ. છાસિયાની યાદીમાં અનુરોધ કરવામાં આવ્યો છે.#Morbi #MorbiNews #StudentHostel #Admission2026 #ESamajKalyan #MorbiUpdate
.jpg)
