લઘુ અને મધ્યમ ઉદ્યોગોને મજબૂત બનાવવા ગ્રામીણ સ્તરે વિશેષ તાલીમ અપાઈમોરબી: મોરબી જિલ્લાના ટંકારા તાલુકાના લખધીરગઢ ગામે તા. 11 થી 13 મે 2026 દરમિયાન RAMP યોજના અંતર્ગત ત્રણ દિવસીય આંત્રપ્રિન્યોરશિપ ગ્રોથ પ્રોગ્રામનું સફળતાપૂર્વક આયોજન કરવામાં આવ્યું હતું. આ કાર્યક્રમ ભારતીય ઉદ્યમિતા વિકાસ સંસ્થાન (EDII), અમદાવાદ દ્વારા આયોજિત કરવામાં આવ્યો હતો, જેમાં ગુજરાત સરકારના સૂક્ષ્મ, લઘુ અને મધ્યમ ઉદ્યોગ મંત્રાલયનો સહયોગ પ્રાપ્ત થયો હતો.MSME ક્ષેત્રને સશક્ત બનાવવાનો ઉદ્દેશ્યRAMP યોજનાનો મુખ્ય હેતુ MSME ક્ષેત્રને નાણાકીય સહાય, બજાર જોડાણ અને ટેકનોલોજી અપનાવવા જેવી બાબતો દ્વારા મજબૂત બનાવી ઉદ્યોગોના વિકાસને પ્રોત્સાહન આપવાનો છે.તજજ્ઞો દ્વારા વિવિધ વિષયો પર માર્ગદર્શનઆ કાર્યક્રમનું સંચાલન સ્ટેટ આંત્રપ્રિન્યોરશિપ લીડ હેતલ પાઠક અને જિલ્લા સંયોજક ચંદ્રેશ રાઠોડ દ્વારા કરવામાં આવ્યું હતું. તાલીમ દરમિયાન ઉદ્યોગ સાહસિકોને વિવિધ વિષયો પર પ્રાયોગિક સમજ પૂરી પાડવામાં આવી હતી. જેમાં:• ડિજિટલ ટૂલ્સ: Khatabook, OkCredit, BharatPe અને Vyapar જેવા ડિજિટલ સાધનોનો ઉપયોગ.• માર્કેટિંગ વ્યુહરચના: WhatsApp Business, Instagram અને Facebook માર્કેટિંગ તેમજ GeM અને ONDC પ્લેટફોર્મ વિશે માહિતી.• સરકારી યોજનાઓ: ઉદ્યમ રજિસ્ટ્રેશન, GST, FSSAI, MUDRA, VBY અને PMFME જેવી યોજનાઓ અને લોન મેળવવાની પ્રક્રિયા. • નાણાકીય વ્યવસ્થાપન: નાણાકીય શિસ્ત, હિસાબી વ્યવસ્થા, કિંમત નિર્ધારણ અને બિઝનેસ પ્લાન તૈયાર કરવાની સમજ.સ્થાનિક ઉદ્યોગ સાહસિકોએ આ કાર્યક્રમમાં ઉત્સાહપૂર્વક ભાગ લીધો હતો અને પ્રાયોગિક તાલીમ પદ્ધતિની પ્રશંસા કરી હતી. આ પહેલથી જિલ્લામાં ઉદ્યોગ સાહસિકતા અને ટકાઉ વ્યવસાય વિકાસને નવી મજબૂતી મળશે તેવી અપેક્ષા વ્યક્ત કરવામાં આવી છે.#MorbiUpdate #Tankara #Lakhdhirgadh #RAMPScheme #MSME #EDII #Entrepreneurship #GujaratGovernment #BusinessTraining #MorbiNews
.jpg)
