મોરબી : મોરબીની સેન્ટ મેરી સ્કૂલ (ઇંગ્લીશ મીડીયમ)ની વિદ્યાર્થિની રિયા દીપકભાઈ પારેખે ધોરણ 12 સામાન્ય પ્રવાહના પરિણામમાં ઉત્કૃષ્ટ દેખાવ કર્યો છે. રિયાએ 98.40 PR અને A2 ગ્રેડ મેળવીને માત્ર પારેખ પરિવારનું જ નહીં, પરંતુ સમગ્ર મોરબી જિલ્લાનું નામ રોશન કર્યું છે અને શાળામાં પ્રથમ ક્રમ મેળવવાનું બહુમાન પ્રાપ્ત કર્યું છે.અઘરા વિષયોમાં મેળવ્યા વિશિષ્ટ ગુણરિયાએ પોતાની બુદ્ધિપ્રતિભાનો પરિચય આપતા અઘરા ગણાતા વિષયોમાં અસાધારણ સ્કોર મેળવ્યો છે. તેણે એકાઉન્ટ વિષયમાં 100 માંથી 99 ગુણ અને સ્ટેટેસ્ટિક્સ વિષયમાં પણ 100 માંથી 99 ગુણ મેળવીને A1 ગ્રેડ સાથે વિશેષ સિદ્ધિ હાંસલ કરી છે. આ ઉપરાંત ઓર્ગેનાઇઝેશન ઓફ કોમર્સ વિષયમાં પણ 100 માંથી 96 ગુણ મેળવી A1 ગ્રેડ પ્રાપ્ત કર્યો છે. કઠોર પરિશ્રમ અને નિષ્ઠાનું પરિણામ હંમેશા મીઠું હોય છે, તે વાત રિયાએ સાર્થક કરી બતાવી છે.આ ભવ્ય સફળતા બદલ પારેખ પરિવાર, સેન્ટ મેરી સ્કૂલના આચાર્ય તથા સમગ્ર શિક્ષકગણ તરફથી રિયાને સ્કૂલ ફર્સ્ટ આવવા પર હાર્દિક શુભેચ્છાઓ પાઠવવામાં આવી છે. તેના ઉજ્જવળ ભવિષ્ય અને સફળ કારકિર્દી માટે સૌ કોઈ તેને અભિનંદન આપી રહ્યા છે.#MorbiUpdate #MorbiNews #StMarysSchoolMorbi #HSCResults #BoardExams #MorbiEducation #CommerceResult #TopperStudent #SuccessStory #GujaratBoard
.jpg)
