ચૂંટણી પહેલા ટંકારા પોલીસની મોટી કાર્યવાહી : હાલ જથ્થાની ગણતરી સહિતની કાર્યવાહી ચાલુ મોરબી : આગામી સ્થાનિક સ્વરાજ્યની ચૂંટણીને અનુલક્ષીને પોલીસ તંત્ર એક્શન મોડમાં આવ્યું છે, જેના પગલે બુટલેગરોમાં ફફડાટ વ્યાપી ગયો છે. ટંકારામાં નવા થાણા અમલદારના આગમન સાથે જ પોલીસે નેકનામ નજીક મોટો દરોડો પાડી દારૂનો જંગી જથ્થો ઝડપી લીધો છે. સૂત્રોમાંથી મળતી વિગતો અનુસાર આજે ટંકારા પોલીસને બાતમી મળી હતી કે નેકનામ ઓપી વિસ્તાર નજીકથી વિદેશી દારૂની હેરાફેરી થઈ રહી છે. આ બાતમીના આધારે પોલીસે વોચ ગોઠવી દરોડો પાડતા મોટી સફળતા પ્રાપ્ત થઈ છે. અંગત સૂત્રોના જણાવ્યા અનુસાર, વાહન દ્વારા વિદેશી દારૂની હેરાફેરી કરવામાં આવી રહી હતી જેને પોલીસે સમયસર આંતરી લીધી છે. હાલ સ્થળ પર પોલીસ દ્વારા દારૂના જથ્થાની ગણતરી સહિતની કાયદેસરની કાર્યવાહી ચાલુ છે. ટંકારામાં નવા પોલીસ અધિકારીની નિમણૂક થતાની સાથે જ આ મોટી રેડ કરવામાં આવતા સ્થાનિક બુટલેગરોમાં ભારે ફફડાટ વ્યાપી ગયો છે. ખાસ કરીને ચૂંટણીના માહોલમાં કાયદો અને વ્યવસ્થા જાળવવા માટે પોલીસ દ્વારા કરવામાં આવેલી આ કામગીરીની પ્રશંસા થઈ રહી છે. આ મામલે વધુ વિગતો મેળવાઈ રહી છે.#Morbi #Tankara #PoliceAction #LiquorSeized #GujaratPolice #Election2026 #MorbiUpdate #Neknam #CrimeNews
.jpg)
