મોરબી: મોરબી શહેરના વિદ્યાર્થીઓ અને સ્પર્ધાત્મક પરીક્ષાની તૈયારી કરતા યુવાનો માટે મહાનગરપાલિકા દ્વારા એક મહત્વપૂર્ણ નિર્ણય લેવામાં આવ્યો છે. શહેરના રવાપર રોડ પર નરસંગ ટેકરીની બાજુમાં અત્યાધુનિક સુવિધાઓથી સજ્જ નવી મોડર્ન લાઈબ્રેરીનું નિર્માણ કરવામાં આવશે, જે માટેની ટેન્ડર પ્રક્રિયા હાલ લાઈવ કરી દેવામાં આવી છે.ફુલી સેન્ટ્રલ AC અને ઓપન ટેરેસ લાઈબ્રેરીનું આકર્ષણ આ નવી લાઈબ્રેરી કુલ 3 માળની વિશાળ ઇમારત ધરાવતી હશે. વાચકોને વાંચન માટે આધુનિક અને આરામદાયક વાતાવરણ મળી રહે તે માટે સમગ્ર લાઈબ્રેરી 'ફુલી સેન્ટ્રલ AC' સુવિધાથી સજ્જ હશે. આ પ્રોજેક્ટનું મુખ્ય આકર્ષણ 'ઓપન ટેરેસ લાઈબ્રેરી' હશે, જ્યાં વાચકો કુદરતી વાતાવરણમાં બેસીને અભ્યાસ કરી શકશે.લાઈબ્રેરીની મુખ્ય વિશેષતાઓ: • આધુનિક ફર્નિચર: લાંબા સમય સુધી બેસીને વાંચી શકાય તેવું સુવ્યવસ્થિત ફર્નિચર. • પુસ્તકોનો ખજાનો: સ્પર્ધાત્મક પરીક્ષાના પુસ્તકો સહિત સાહિત્ય, ઇતિહાસ, વિજ્ઞાન અને ટેકનોલોજીના તમામ પુસ્તકો ઉપલબ્ધ થશે. • સેપરેટ રીડિંગ એરિયા: શાંતિપૂર્ણ અભ્યાસ માટે અલગથી વ્યવસ્થા. • ભૂકંપ અવરોધક માળખું: ઇમારતનું નિર્માણ RCC ફ્રેમ સ્ટ્રક્ચર સાથે ભૂકંપ અવરોધક (Earthquake Resistant) બનાવવામાં આવશે.મોરબી મહાનગરપાલિકા દ્વારા હાથ ધરાયેલી આ ટેન્ડર પ્રક્રિયા પૂર્ણ થયા બાદ તાત્કાલિક ધોરણે બાંધકામ શરૂ કરવામાં આવશે. રવાપર રોડ જેવા મુખ્ય વિસ્તારમાં આ લાઈબ્રેરી બનવાથી શહેરની વાંચન સંસ્કૃતિને નવો વેગ મળશે અને વિદ્યાર્થીઓને અભ્યાસ માટે ઉત્તમ સ્થળ પ્રાપ્ત થશે.#Morbi #MorbiUpdate #Library #ModernLibrary #Education #RavaparRoad #NagarPalika #ReadingCulture #StudentsHelp
.jpg)
