ટંકારા : ટંકારા તાલુકાની હરબટીયાળી પ્રાથમિક શાળામાં વિશ્વ ચકલી દિવસ અને ચૈત્ર માસ નિમિત્તે ‘સૃષ્ટિનું સંવર્ધન’ શીર્ષક હેઠળ અનોખા કાર્યક્રમની ઉજવણી કરવામાં આવી હતી. આ તકે પક્ષી પ્રેમના સંદેશ સાથે બાળકોને ચકલીના માળા અર્પણ કરવામાં આવ્યા હતા.વિશ્વ ચકલી દિવસની વિશિષ્ટ ઉજવણીઆજ 20 માર્ચ એટલે કે વિશ્વ ચકલી દિવસના અવસરે હરબટીયાળી પ્રાથમિક શાળામાં બાળકોમાં પર્યાવરણ અને પક્ષીઓ પ્રત્યે જાગૃતિ આવે તેવા ઉમદા હેતુથી કાર્યક્રમનું આયોજન કરવામાં આવ્યું હતું. આ પ્રસંગે શાળાના બાળકોને લાકડાના 100 જેટલા ચકલીના માળા ભેટમાં આપવામાં આવ્યા હતા અને શાળાના સંકુલમાં વિવિધ જગ્યાએ આ માળા લગાવવામાં પણ આવ્યા હતા. આ કાર્યક્રમનો મુખ્ય ઉદ્દેશ્ય લુપ્ત થતી જતી ચકલીઓના સંરક્ષણ અને તેમના નિવાસસ્થાન માટે લોકજાગૃતિ લાવવાનો હતો.જીવદયાનું ઉત્તમ ઉદાહરણ: કીડિયારું પૂરવામાં આવ્યુંપક્ષી સેવા સાથે પ્રાણી સેવાને જોડતા, હાલ ચાલી રહેલા ચૈત્ર માસના મહિમાને ધ્યાનમાં રાખીને શાળામાં કીડિયારું પૂરવાનો કાર્યક્રમ પણ યોજાયો હતો. ગીતાબેન દ્વારા તૈયાર કરવામાં આવેલ કીડિયારું શાળાના બાળકો દ્વારા વિવિધ વૃક્ષોના થડ પાસે પૂરવામાં આવ્યું હતું. આમ, નાના જીવો પ્રત્યે દયાભાવ રાખવાનો સંદેશ વહેતો કરવામાં આવ્યો હતો.આ સમગ્ર કાર્યક્રમનું આયોજન ગીતાબેન સાંચલા દ્વારા કરવામાં આવ્યું હતું. કાર્યક્રમ દરમિયાન શાળાના આચાર્ય હરેશભાઈ અને અન્ય શિક્ષકોએ બાળકોને ચકલીઓના મહત્વ અને સૃષ્ટિના સંવર્ધન અંગે જરૂરી માર્ગદર્શન પૂરું પાડ્યું હતું.#MorbiUpdate #Tankara #HarbatiyaliSchool #WorldSparrowDay #NatureConservation #Education #GujaratNews #SocialWork
.jpg)
