અરજદારો પરિવહન પોર્ટલ પર ૧૪ થી ૧૬ માર્ચ દરમિયાન બિડિંગમાં ભાગ લઈ શકશેમોરબી: મોરબી જિલ્લાના વાહન માલિકો માટે વાહન વ્યવહાર વિભાગ દ્વારા પસંદગીના નંબર મેળવવાની પ્રક્રિયાને વધુ સરળ અને પારદર્શક બનાવવામાં આવી છે. મોરબી આર.ટી.ઓ. કચેરી દ્વારા જૂની સીરીઝના બાકી રહેલા ગોલ્ડન અને સિલ્વર નંબરો માટે ઓનલાઇન હરાજીનું આયોજન કરવામાં આવ્યું છે. હવે મેન્યુઅલ પ્રક્રિયાના સ્થાને ઓનલાઇન હરાજી અમલમાં હોવાથી વાહન માલિકો ઘરે બેઠા જ મનપસંદ નંબર મેળવી શકશે.કઈ સીરીઝના નંબરો ઉપલબ્ધ છે?આ હરાજી પ્રક્રિયામાં નીચે મુજબની સીરીઝના પસંદગીના નંબરો ઉપલબ્ધ થશે: • ટુ-વ્હિલર: GJ36BC, BA, AS, AQ, AN, AM • ફોર-વ્હિલર: GJ36BB, AR, AL, AP, AJ • ટ્રાન્સપોર્ટ વાહનો: GJ36V અને GJ36Xમહત્વની તારીખો અને પ્રક્રિયાઓનલાઇન રજીસ્ટ્રેશન અને અરજીની પ્રક્રિયા તા. ૧૨/૦૩/૨૦૨૬ થી ૧૪/૦૩/૨૦૨૬ સુધી ચાલશે. ત્યારબાદ ઓનલાઇન બિડિંગ (હરાજી) પ્રક્રિયા તા. ૧૪/૦૩/૨૦૨૬ થી શરૂ થઈને તા. ૧૬/૦૩/૨૦૨૬ ના રોજ પૂર્ણ થશે. ઈચ્છુક અરજદારોએ ભારત સરકારના પરિવહન પોર્ટલ (http://parivahan.gov.in/fancy/) પર પબ્લિક યુઝર તરીકે નોંધણી કરાવી CNA ફોર્મ ભરવાનું રહેશે.નિયમો અને શરતોવાહન ખરીદી અથવા વીમાની તારીખ પૈકી જે વહેલું હોય તેના સાત દિવસમાં અને વાહનનો ટેક્સ આર.ટી.ઓ. કચેરીએ ભરપાઈ કર્યા બાદ જ અરજી કરી શકાશે. હરાજીમાં સફળ થયેલા ઉમેદવારે પાંચ દિવસમાં તફાવતની રકમ ઓનલાઇન ભરીને એલોટમેન્ટ પત્રની નકલ કચેરીએ જમા કરાવવાની રહેશે તેવું મોરબી પ્રાદેશિક વાહન વ્યવહાર અધિકારીની યાદીમાં જણાવાયું છે.#Morbi #MorbiUpdate #RTO #FancyNumber #Auction #VehicleNumber #GujaratRTO #MorbiNews #OnlineAuction
.jpg)
