ગાંધીનગર: સોમવારે GIFT સિટી ખાતે ન્યૂઝ કેપિટલ નેટવર્ક દ્વારા આયોજિત 'ગિફ્ટ ઈકોનોમિક ફોરમ (GEF) 2026' ભવ્ય રીતે યોજાઈ હતી. આ કાર્યક્રમમાં મુખ્યમંત્રી ભૂપેન્દ્ર પટેલે નવી આર્થિક ન્યૂઝ ચેનલ 'ન્યૂઝ કેપિટલ માર્કેટ'નો વિધિવત પ્રારંભ કરાવ્યો હતો. આ પ્રસંગે હર્ષ સંઘવી, જીતુ વાઘાણી, અર્જુન મોઢવાડિયા સહિતના મંત્રીઓ અને વિવિધ ક્ષેત્રના મહાનુભાવો ઉપસ્થિત રહ્યા હતા.મુખ્યમંત્રીનું પ્રેરક સંબોધનનવી ચેનલ લોન્ચ કરતા ભૂપેન્દ્ર પટેલે હળવા અંદાજમાં જણાવ્યું હતું કે, બિઝનેસ અને શેરબજારમાં ઉતાર-ચઢાવ આવતા રહે છે. દરેક પળ આપણા હાથમાં નથી હોતી, તેથી ડર્યા વગર એક થઈને પરિસ્થિતિનો સામનો કરવો જોઈએ. તેમણે ગુજરાતના આર્થિક વિકાસ અને ભવિષ્યના રોડમેપ અંગે પણ સકારાત્મક વાત કરી હતી.રાજ્યની પારદર્શિતા અને ઉદ્યોગ નીતિપેનલ ડિસ્કશનમાં ગૃહમંત્રી હર્ષ સંઘવીએ જણાવ્યું હતું કે, ગુજરાત 100% પારદર્શિતાથી ચાલતું રાજ્ય છે અને અહીં ઉદ્યોગો માટે સમાન તકો રહેલી છે. આ ડિસ્કશનમાં મોહન સારાભાઈ, શેખર પટેલ અને ગોકુલ જય શ્રીકૃષ્ણ પણ જોડાયા હતા.વિવિધ વિષયો પર મંત્રીઓનો સંવાદ- શેરબજાર: મિલન પરીખ, નયન કુંવરજી અને યમલ વ્યાસે કેપિટલ માર્કેટના ઐતિહાસિક સંદર્ભો વિશે ચર્ચા કરી હતી.- આરોગ્ય: મંત્રી પ્રફુલ પાનસેરિયાએ જણાવ્યું કે સરકાર દ્વારા ગંભીર રોગોની દવાઓ અને ઇન્જેક્શન વિનામૂલ્યે પૂરા પાડવામાં આવે છે.- મહિલા સશક્તિકરણ: 'ધ હ્યુમન બ્લ્યુપ્રિન્ટ' વિષય પર મનીષા વકીલ અને આશા વઘાસિયાએ મંતવ્યો રજૂ કર્યા હતા.- ગવર્નન્સ: જગદીશ વિશ્વકર્માએ ભૂતકાળમાં ટ્રેન દ્વારા પાણી મોકલવાના દિવસો યાદ કરી વર્તમાન સ્ટેબલ ગવર્નન્સની પ્રશંસા કરી હતી.- એનર્જી: અર્જુન મોઢવાડિયા, પ્રવીણ માળી અને કૌશિક વેકરિયાએ ક્લીન એનર્જી અને ક્લાયમેટ ચેન્જના પડકારો વિશે વાત કરી હતી.- સહકાર: જીતુ વાઘાણી, દિનેશ કુંભાણી અને જ્યોતીન્દ્ર મહેતાએ ગ્રામીણ અર્થતંત્રમાં સહકારી ક્ષેત્રના ફાળા અંગે ચર્ચા કરી હતી.પશુપાલન અને ભવિષ્યના પડકારોકાર્યક્રમના અંતે વિધાનસભા સ્પીકર શંકર ચૌધરીએ પશુપાલન ક્ષેત્રે વધતી ગરમી (Heat Tolerance) અને ઘાસચારાની સમસ્યા અંગે ચિંતા વ્યક્ત કરી આગામી સમય માટે સતર્ક રહેવા સૂચન કર્યું હતું.#MorbiUpdate #GIFTCity #GEF2026 #BhupendraPatel #NewsCapital #GujaratEconomy #BusinessNews #GujaratGovernment
.jpg)
