૨૩ નવદંપતીઓ પ્રભુતામાં પગલાં માંડશેમોરબી: મોરબી-જામનગર-રાજકોટ આહિર સમાજ સમુહ લગ્ન પરિવાર દ્વારા સમાજની એકતા અને સાદગીના પ્રતીક સમાન ૧૮માં સમુહ લગ્નોત્સવનું ભવ્ય આયોજન કરવામાં આવ્યું છે. આ માંગલિક પ્રસંગે આહિર જ્ઞાતિના કુલ ૨૩ નવદંપતીઓ નવા જીવનની શરૂઆત કરશે. શુભ મુહૂર્ત અને સ્થળતારીખ: ૧૩-૦૨-૨૦૨૬, શુક્રવાર (વિક્રમ સંવત ૨૦૮૨, મહા વદ ૧૧)સ્થળ: સમુહ લગ્ન સભા મંડપ, મું. કોયલી, તા. જી. મોરબી. સેવાકીય સમર્પણઆ ૧૮મો સમુહ લગ્નોત્સવ આહિર સમાજના પાયાના કાર્યકર અને સેવાકીય કાર્યોમાં હંમેશા અગ્રેસર રહેનાર સ્વ. દેવાભાઈ મોહનભાઈ વાળા તથા સ્વ. આયદાનભાઈ દેશાભાઈ બાળાના ચરણોમાં અર્પણ કરવામાં આવ્યો છે. મુખ્ય મહેમાનો અને અતિથિ વિશેષઆ પ્રસંગે સમાજ અને રાજકીય ક્ષેત્રના અગ્રણીઓ ઉપસ્થિત રહી નવદંપતીઓને આશીર્વાદ આપશે: અધ્યક્ષ: શ્રી મૂળુભાઈ બેરા (પૂર્વ કેબિનેટ મંત્રી, ગુજરાત રાજ્ય અને ધારાસભ્ય - ખંભાળીયા). મુખ્ય અતિથિ: શ્રી ત્રિકમભાઇ છાંગા (માનનીય મંત્રી, ઉચ્ચ અને ટેકનિકલ શિક્ષણ, ગુજરાત રાજ્ય). અતિથિ વિશેષ: શ્રી હેમંતભાઇ ખવા (ધારાસભ્ય - જામજોધપુર). કાર્યક્રમની રૂપરેખા (તા. ૧૩-૦૨-૨૦૨૬)લગ્નોત્સવના દિવસે વિવિધ વિધિઓ નીચે મુજબના સમયે નિર્ધારિત કરવામાં આવી છે: જાન આગમન: સવારે ૫:૩૦ કલાકે. સામૈયા: સવારે ૬:૦૦ કલાકે. છાબ ભરવાની વિધિ: સવારે ૭:૦૦ કલાકે. હસ્ત મેળાપ: શુભ ચોઘડિયે. આશીર્વાદ સમારોહ: સવારે ૯:૧૫ કલાકે. ભોજન સમારંભ: સવારે ૧૦:૩૦ કલાકે. કન્યા વિદાય: બપોરે ૧૧:૧૫ કલાકે. કરીયાવરની ભેટસમુહ લગ્ન પરિવાર તરફથી નવદંપતીઓને સંસારની શરૂઆત માટે ઉદાર હાથે કરીયાવર આપવામાં આવશે, જેમાં મુખ્યત્વે: કબાટ, સેટી પલંગ સેટ અને ખુરશી-ટીપોઈ. રસોડા સેટ, મિક્સર અને બ્લેન્ડર. VIP બેગ, ડિનર સેટ, મામઠ અને ચાંદીના સાંકળા સહિતની આઇટમો આપવામાં આવશે. આ ભવ્ય આયોજનને સફળ બનાવવા માટે રાણાભાઈ અરજણભાઈ હુંબલ (પ્રમુખ - આહિર સમાજ) અને જીવણભાઈ કારૂભાઈ કુંભરવાડીયા (પ્રમુખ - સમુહ લગ્ન સમિતિ) ના માર્ગદર્શન હેઠળ કાર્યકર્તાઓ ભારે જહેમત ઉઠાવી રહ્યા છે. #MorbiUpdate #MorbiNews #AhirSamaj #SamuhLagn2026 #KoyliVillage #AhirCommunity #Yaduvanshi #SocialUnity #GujaratWeddings #MorbiEvents
.jpg)
