મોરબી : મોરબી જિલ્લાના નાની વાવડી ખાતે આવેલી વેદાંત ગ્લોબલ સ્કૂલ ખાતે આજે કલા અને સંસ્કૃતિનો અનોખો સંગમ જોવા મળ્યો હતો. અહીં આયોજિત રાજ્યકક્ષાની ‘બાલ પ્રતિભા શોધ’ સ્પર્ધામાં રાજ્યભરમાંથી ઉમટી પડેલા બાળ કલાકારોએ પોતાની પ્રતિભાના કામણ પાથર્યા હતા.આ કાર્યક્રમમાં પ્રદેશ કક્ષાએથી પ્રથમ અને દ્વિતીય ક્રમે વિજેતા થયેલા અંદાજે ૧,૦૦૦ જેટલા સ્પર્ધકોએ ઉત્સાહભેર ભાગ લીધો હતો. આ સ્પર્ધાનો મુખ્ય ઉદ્દેશ્ય બાળકોમાં રહેલી સુષુપ્ત શક્તિઓને બહાર લાવવાનો અને તેમને યોગ્ય મંચ પૂરું પાડવાનો હતો. આજે યોજાયેલી આ સ્પર્ધામાં કુલ ૧૩ જેટલી વિવિધ કલાઓનો સમાવેશ કરવામાં આવ્યો હતો, જેમાં મુખ્યત્વે નીચે મુજબની કૃતિઓ રજૂ થઈ હતી:● લોકનૃત્ય અને લોકવાર્તા● દુહા, છંદ અને ચોપાઈ● ચિત્રકલા અને નિબંધ લેખન● એકપાત્રીય અભિનય (મોનો એક્ટિંગ)● સર્જનાત્મક કારીગરીવિજેતાઓને મળશે સરકાર તરફથી પ્રોત્સાહનઆ તકે જિલ્લા યુવા વિકાસ અધિકારીએ માહિતી આપતા જણાવ્યું હતું કે, આ રાજ્યકક્ષાની સ્પર્ધામાં જે બાળકો વિજેતા બનશે, તેમને રાજ્ય સરકાર દ્વારા ભવિષ્યમાં વિશેષ પ્લેટફોર્મ પૂરું પાડવામાં આવશે. સરકાર દ્વારા આયોજિત થતા વિવિધ સાંસ્કૃતિક કાર્યક્રમો અને સ્ટેજ શોમાં આ વિજેતા કલાકારોને પર્ફોર્મન્સ કરવાની તક આપવામાં આવશે, જે પેઇડ (માનદ વેતન સાથેના) કાર્યક્રમો હશે. આમ, સરકાર ઉગતી પ્રતિભાઓને પ્રોત્સાહન આપી રહી છે.#MorbiUpdate #Live #Competition #StudentTalent #MorbiDistrict #GujaratGovernment #YouthDevelopment #VedantaGlobalSchool
.jpg)
