17 વેપારીઓને નોટિસ અપાઈ તેમજ અખાદ્ય કલરના જથ્થાનો નાશ કરાયોમોરબી : મોરબી મહાનગરપાલિકાની ફૂડ શાખા દ્વારા આજે શહેરના વિવિધ વિસ્તારોમાં ખાદ્ય પદાર્થોનું વેચાણ કરતા એકમો પર ત્રાટકીને સઘન ચેકિંગ હાથ ધરવામાં આવ્યું હતું. મીઠાઈ, ફરસાણ, હોટલ અને રેસ્ટોરન્ટ્સ સહિતના 29 જેટલા ધંધાર્થીઓને ત્યાં ફૂડ સેફ્ટી ઇન્સ્પેક્ટર દ્વારા તપાસ કરવામાં આવી હતી, જેમાં અનેક ક્ષતિઓ સામે આવતા તંત્રએ કડક કાર્યવાહી કરી છે.17 ધંધાર્થીઓને નોટિસ ફટકારાઈતપાસ દરમિયાન લાયસન્સ વગર ધંધો કરતા અથવા તો આરોગ્યપ્રદ પરિસ્થિતિ જાળવવામાં નિષ્ફળ રહેલા 17 જેટલા મીઠાઈ-ફરસાણના ધંધાર્થીઓ અને હોટલ સંચાલકોને મોરબી મહાનગરપાલિકા દ્વારા કાયદેસરની નોટિસ પાઠવવામાં આવી છે. આ એકમોમાં સ્વચ્છતાનો અભાવ અને ફૂડ સેફ્ટીના નિયમોનું ઉલ્લંઘન જોવા મળ્યું હતું.અખાદ્ય કલરના જથ્થાનો સ્થળ પર નાશલોકોના સ્વાસ્થ્ય માટે જોખમી એવા 'અનહાઇજેનિક કલર' ના ઉપયોગ બદલ ફૂડ વિભાગે કડક હાથે કામ લીધું હતું. કુલ 5 લીટર જેટલા અખાદ્ય કલરના જથ્થાનો સ્થળ પર જ નાશ કરવામાં આવ્યો હતો: વિરાટ પાંવભાજી એન્ડ ચાઈનીઝ (ભક્તિનગર સર્કલ): અહીંથી સૌથી વધુ 3 લીટર અખાદ્ય કલર ઝડપાયો હતો. ધ ચોકલેટ રૂમ: અખાદ્ય કલરનો જથ્થો મળતા કાર્યવાહી કરાઈ.ભોલે બાબા ડેરી ફાર્મ: અહીંથી પણ અખાદ્ય કલર ઝડપીને કુલ 2 લીટર જથ્થાનો નાશ કરાયો હતો.તપાસના મુખ્ય મુદ્દાઓફૂડ સેફ્ટી ઇન્સ્પેક્ટરની ટીમે મુખ્યત્વે આ બાબતો પર ધ્યાન કેન્દ્રિત કર્યું હતું: જેમાં લાઇસન્સ ચેકિંગ: ધંધાર્થીઓ પાસે માન્ય ફૂડ લાઇસન્સ છે કે નહીં. સ્વચ્છતા (Hygiene): રસોડા અને સ્ટોરેજમાં સ્વચ્છતાના ધોરણોનું પાલન. ગુણવત્તા: ખાદ્ય પદાર્થોમાં પ્રતિબંધિત કેમિકલ કે કલરનો વપરાશ.મોરબી મહાનગરપાલિકાની આ તવાઈને પગલે ખાદ્ય પદાર્થોના વિક્રેતાઓમાં ફફડાટ વ્યાપી ગયો છે. તંત્રએ સ્પષ્ટ ચેતવણી આપી છે કે આગામી સમયમાં પણ આ પ્રકારની ચેકિંગ ઝુંબેશ ચાલુ રહેશે અને લોકોના આરોગ્ય સાથે ચેડાં કરનારને બક્ષવામાં આવશે નહીં.#MorbiUpdate #FoodSafety #MorbiMunicipalCorporation #HealthAlert #CleanFood #MorbiNews #GujaratFoodSafety #Raid #FoodInspector #PublicHealth #MorbiCity #ActionAgainstAdulteration
.jpg)
