રોડને નડતરરૂપ 20 કેબીનો અને 25 હોર્ડિંગ દૂર કરાયામોરબી : મોરબી મહાપાલિકા દ્વારા આજે મહેન્દ્રનગર પાસે ડીમોલેશનની કાર્યવાહી હાથ ધરવામાં આવ્યું છે. જેમાં રોડને નડતરરૂપ 20 કેબીનો અને 25 હોર્ડિંગ દૂર કરવામાં આવ્યું છે. મોરબી મહાપાલિકા દ્વારા અગાઉ વન વિક વન રોડ ઝુંબેશ અંતર્ગત દર અઠવાડિયે ડીમોલેશનની કાર્યવાહી થતી હતી. જો કે લાંબા સમય બાદ આ કામગીરીમાં બ્રેક લાગી હતી. ત્યારે આજે સવારે મહેન્દ્રનગર વિસ્તારમાં મ્યુનિસિપલ કમિશનરે વિઝિટ લીધા બાદ દબાણો ધ્યાનમાં આવતા મહાપાલિકા દ્વારા ડીમોલેશનની કામગીરી કરવામાં આવી છે. જેમાં પીપળી જવાના રોડ ઉપર રામધન આશ્રમ બાજુમાં બન્ને તરફથી દબાણો 20 જેટલી કેબિન અને 25 હોર્ડિંગ દૂર કરવામાં આવ્યા હોવાનું જાણવા મળ્યું છે.પાંચ ડોર ટૂ ડોર કલેકશન માટેની સાયકલ લારી હસ્તગત કરાઇડીમોલેશન દરમિયાન પાંચ જેટલી ડોર ટૂ ડોર કલેકશન માટેની સાયકલ લારી જે ગ્રામ પંચાયત હસ્તક હતી તે જોવા મળી હતી. જેથી મહાનગરપાલિકાની ટિમ દ્વારા તેને હસ્તગત કરવામાં આવી હતી.
.jpg)
